قادری: رژێما مەلالی د خرابترین رەوش دە دەرباس دبە

آرك نيوز..رۆژ ب رۆژ وئالۆزی ناڤبەرا ئێران وئەمریكادە مەزنتر دبن , ئەمریكا ب تووندی سیاسەتێ ل دژی ئێران دكە ,وبەرپرسیارەكی كوردێ رۆژهلاتێ كوردستانێ دبێژە رژێما مەلالی یا ئێرانی د دەما چل سالێن بووری دە د خرابترین رەوش دە دەرباس دبە .

محمد صالح قادری بەرپرسیارێ پەیوەندیێن كوردستانی یێن حزبا دیموكراتا كوردستان ئێران د چارچۆڤەیا بەشداریی َد دیدارا تایبەتا ئاركێ دە راگەهاند كو ئەگەر ئەمریكا ل دژی ئێرانێ د سیاسەتا خوەدە بەردەوام بە , رژێما مەلالی وێ ب روخە , ژ بەر كو گەلێن ئێرانێ ل دژی مەلالی خەباتێ دكن .

وەكە بەرپرسیارێ كوردێ رۆژهلاتێ كوردستانێ دبێژە رژێما مەلالی نكارە ل گەل گەلێن خوە نێزیكبوونێ دروست بكە , ژ بەر رژێمەكە ئەولەكاریە , و ب زەبرا هێزێ ل گەل گەلێن خوە سیاسەتێ وموعامەلێ دكە .

هەروەها محمد صالح قادری گۆت كو ب ژناڤچوونا رژێما مەلالی یا ئێرانێ خەلەكا سەرەكە یا زنجیرا داگیركاریە هەر چار پارچەیێن كوردستانێ وێ وەرە ژناڤبرن , ووی دەمی ئاسۆیێن گەش ل پێشیا گەلێ كورد ل هەر چار پارچەیێن كوردستانێ وێ وەرنە هۆلێ .

قادری گۆتژی كو ئابووریا ئێرانێ ب رێژەیا 70 % پشتێ ب هناردكرنا پەترۆلێ گرێ ددە , ودەما كو ئەمریكا رێگریێ ل هناردەكرنا نەفتا ئێرانێ بكە , وی دەمی رژێما مەلالی نكارە رێڤەبەریێ بكە , وتەڤایا هێزێن وێ یێ چەكدار وێ وەرنە هلوەشاندن .

هەروهەا محمد صالح قادری گۆتژی تەڤایا كۆمپانیایێن ئێرانێ سەر ب هێزا پاسدارێن ئێرانێ ڤەنە , وب سەپاندنا سزایێن ئابووری , تەڤایا ژێدەرێن ئابووری یێن هێزا پاسدارێن ئێرانێ وێ وەرنە هشككرن , وئەڤ یەك وێ باندۆرەكە مەزن ل رژێما مەلالی بكە .

دەربارێ خەباتا بزاڤا رزگاریخوازا گەلێ كورد ل رۆژهلاتێ كوردستانێ قادری گۆت كو بهترا هێزێن كوردیێن رۆژهلاتا كوردستانێ یێن سەرەكە یەك هەلوێست ویەك نەرێنن , وئامادەكاری ژ بۆ قۆناغا نوو كرنە , ویا هەری گرینگ ئاڤاكرنا هێزا پێشمەرگەیێن كوردستانێ یە , كو خوە ب میرات گەرێ كۆمارا مهاباد دزانە .
ز.ح

424