PDKê 65mîn salvegera damezrandina PDK-Sê pîroz kir
ARK NEWS... Partiya Demokrata Kurdistanê (PDK) di peyamekê de 65mîn salvegera damezrandina Partiya Demoqrata Kurdistan – Sûriya PDK-Sê pîroz kir.
Naveroka wê peyamê ev e:
Birêz Siûd Mela, Sekreterê Giştî yê Partiya Demuqrata Kurdistan – Sûriya PDK-Sê
Endamên Polîtburo û Serkirdatiya Partiya Demuqrata Kurdistan – Sûriya PDK-Sê
Bi helkefta 65 saliya damezrandina Partiya Demuqrata Kurdistan – Sûriya PDK-Sê, em pîrozbahiyê li we, kadir, endam û alîgirên partiya we ya têkoşer û kevnar dikin. Em hêvî dikin ku hûn herdem pêşkeftî û serkeftî bin, ji bo bidestveanîna hemû mafên niştimanî û netewî û demokratîk yên gelê Kurd li Rojavayê Kurdistanê.
Partiya Demuqrata Kurdistan – Sûriya PDK-Sê beriya 65 salan weke yekemîn partiya siyasî ya kurdî li Kurdistana Sûriyê hatiye damezrandin û yek ji qonaxên herî girîng ên têkoşîna siyasî ya rêxistinî li Sûriyê bû, ew jî bi armanca komkirin û rêkxistina hewl û hêzê û herwiha ji bo rêveberiya gel ji bo bidestveanîna maf û daxwaziyên gelê Kurdistanê li Sûriyê.
Partiya Demuqrata Kurdistan – Sûriya PDK-Sê weke partiyeke nerm, wêrek û pêbawerî li cem gelê Kurd li Rojavayê Kurdistanê di dema borî û niha de di qada xebat û qurbanîdanê de, hertim li pêşiya karwanê têkoşînê bûye. Qonaxên cuda yên xebata gelê Kurdistanê li Sûriyê şahidiya wê yekê didin ku ew partiya resen çiqasî nûneratiya êş û azarên gelê Kurd li Sûriyê kiriye û çiqasî di karwanê xebat û têkoşînê de pêşverû bûye ji bo bidestveanîna maf û azadiyên gelê Kurd li Sûriyê.
Bi vê minasebetê em hevbendî û dostaniya xwe ya bihêz di navbera xwe de dubare dikin û tekeziyê dikin li ser bihêzkirina bingehên rast ên xebat û têkoşîna sivîl û demokratîk û bidestxistina hemû armancên aştî, azadî û demokrasiyê.
Em careke din 65mîn saliya damezrandina PDK-Sê pîroz dikin û piştrast in ku zehmetî û astengiyên çêkirî yên li pêşiya têkoşîna we ya rewa demkî ne û meydana rastî ya têkoşînê ji bo partiyên resen û gelêrî ye. Karwanê xebata we ya sivîl û demokratîk berdewam û berhemdar dibe.
Her serkeftî û serfiraz bin...
Polîtburoya Partiya Demokrat a Kurdistanê
14-6-2022”
329
