Nameya serok Barzanî bi helkefta 42mîn ya Şoreşa Gulanê

Serok Mesûd Barzanî peyamek bi helkefta 42.mîn ya salvegera Şoreşa Gulanê 26/5/2018 belav kir û têde tekezî li ser kar û xebata kurdan kir da ku bighin mafê xwe yên rewa .Peyama serok ev e :
“Bi navê xwedayê mezin û dilovan
Bi helkefta çil û dûyemîn(42) salvegera hilpêkirina şoreşa Gulana pêşketinxwaz pîrozbahiyê li gelê Kurdistanê û hemû têkoşer û Pêşmergeyên qehreman û wan niştimanperweran dikim ku bi keda xwe westiyan û koçberiyê tam kirin û qurbaniyê dan.
Şoreşa Gulan peyama xwe bi dest ve nedana gelê Kurdistanê û rabûna şoreşa rizgarîxwaziyê bû dijî sîtem û dagîrkerî û dîktatorî û plangêriya navdewletî jî ji bo ji nav birina şoreşa Kurd hate binaxkirin. Ew şoreş dirêjepêderê şoreşên pêşî û qonaxêkî girîng bû li dîroka xebata gelê me.
Şoreşa Gulan hilgirê peyam û armancên şoreşa mezina Eylûl bû û yek ji qonaxên girîngên berxwedana Pêşmerge û gelê Kurdistane. Ew şoreşe da xuyakirin ku eger li qonaxek da xebata gelê Kurdistanê tûşî rawestan û şikestê hatibê lê belê îradeya têkoşîn û xebata gelê Kurdistanê tu demekî neşikaye û bi nefes û tînêkî nû ve berdewam dibe ji bo gihîştina bi azadî. Ew azadî û destkeftên niha hene berhema xwîn û qurbanîdana gelê meye li şoreşa Gulan û hemû şoreşên din.
Li vê salvegera pîroz da hezaran silav ji bo giyanê yekem şehîdê şoreşa Gulan şehîd Seyîd Abdulla Hacî Omeranî û hemû şehîdên Kurd û Kurdistanê dişînîn û her wiha silav li xweragirî û qehremaniya Pêşmerge ku bi xwîn û qurbanîdana xwe serfiraziyê ji bo gelê xwe pêkanîn.
Di vê salvegerê de piştrast dikim ku îradeya gelê Kurdistanê bihêz e û tevî hebûna plangêriyê lê belê bi îradeyekî bilindtir ji berê têdikoşê ji bo bi destxistina mafên rewa û berdewamî li peyama aştî û pêkvejiyan û pêşketinxwaziyê.
Mesûd Barzanî
26.06.2018”

978