ENKSê êrîşên li ser Idlibê şermezar kir

ARK NEWS .. Emîndariya Giştî ya Encûmena Niştîmanî ya Kurdî li Sûriyê, duh 30î Tebaxa 2019an, daxuyaniyeke şermezariyê derbarê Idlibê belav kir .

Di daxuyaniya ENKSê de hatiye : Ji beriya çend hefteyan ve, rêjîm û hevalbendên wê di armanckirina herêmên nişteciyê li Idlibê û derora wê, û Bakurê Hemayê de berdewam e, û bi hilmetên leşkerî bi buhaneyên rûbirûbûna terorê li pêş çavên Civaka Navdewletî radibin.

Ew yek dihêle ku kerasetên mirovî li ser êş û azaran zêde bibe. Di encama wan operasyonên leşkerî de, hijmarek mezin ji sivîlan, rojane dikevin, û bi dehê hezaran derbider dibin .

Daxuyaniya Emîndariya Giştî ya Encûmena Niştîmanî ya Kurdî li Sûriyê herwiha hatiye : ENKSê armanckirina sivîlan bi çi şêweyî be, şermezar dike, û bang li Civaka Navdewletî, û welatên girêdayî bi kirîza Sûriyê dike, ku wan girûpên çekdar, yên ku li ser lîsta terorê hatine tomarkirin neçar bike, da ku ji herêmên nişteciyê derkevin, herwiha fişar û guvajê li ser rêjîmê bikin, da ku yekser êrîşên xwe li ser wan herêman rawestînin, û derfetê ji derbider, û koçbekiriyên neçar re vekin, da ku bi aramî vegerin ser mal û milkên xwe .

Ş.E

464