ئەردوغان وپۆتین رەوشا ئدلبێ گۆتووبێژ دكن

آرك نيوز..ژبۆی گۆتووبێژكرنا داوین پێشهاتەیێن ئدلبێ سەرۆكێ توركیا وسەرۆكێ رۆسیا پەیوەندیەكە تەلەفوونێ ئەنجام دان .

ئاژانسا ئەنادۆل یا نووچەیا راگەهاند كو ئیرۆ رەجەب تەیب ئەردوغان سەرۆكێ توركیا , وفلادیمێر پۆتین سەرۆكێ رۆسیا پەیوەندیەكە تەلەفوونێ ئەنجامدان , ورەوشا ئدلبێ ب هوورگولی گۆتووبێژكرن .

ئاژانسا ناڤهاتی گۆت كو د پەیوەندیا تەلەفوونێ دە هەردو سەرۆكان ئێریشێن رژێما ئەسەد یێن داوی ل سەر باژارێ ئدلبێ گۆتووبێژكرن , وئەردوغان تەكەز كر كو رژێما ئەسەد ب ئەنجامدانا ئێریشان بنپێكرنان ل هەمبەر رێكەفتنا كێمكرنا ئاستێ شەر ئەنجام ددە , وئەڤ چەند نایێ قەبوول كرن .

وەكە ئاژانسا ناڤهاتی دایەزانین كو ئەردوغان گۆتیە , مەبەستا رژێما ئەسەد ژ ئەنجامدانا ئێریشێن لەشكەری تێكدانا هەڤكاری وهەماهەنگیا ناڤبەرا توركیا ورۆسیا دەیە و بتایبەتی ل باژارێ ئدلبێ , وهەروەها مەبەستا رژێما ئەسەد ژناڤبرنا رێكەفتنا ئاستانەیە .

د پەیوەندیا تەلەفوونێ دە رەجەب تەیب ئەردوغان تەكەزی ل سەر پابەندبوونێ ب رێكەفتنا سووچی ل گەل ر‌وسیا كر , وگۆت كو هەتا وەكە نها پێنگاڤێن باش هاتنە ئاڤێتن , وبەردەوامبوونا ئێریشێن رژێما ئەسەد ل سەر ئدلبێ وێ زیانێ ب هەموو ئالیەكی بگهینە .

ئەڤ پەیوەندیا تەلەفوونێ ناڤبەرا رەجەب تەیب ئەردوغان , وفلادیمێر پۆتین د دەمەكی دە تێ كو ئەڤە بوویە دو حەفتیە ورژێما ئەسەد ئێریشێن ئاسمانێ ل باژارێ ئدلبێ ئەنجام ددە , ودئەنجاما ئێریشێن رژێما ئەسەد دە , ب سەدان هەزار سڤیل ژ باژارێ ئدلبێ دەربدەر بوونە , وژمارەیەك گەلەك ژ ئاڤاهیێن خزمەتگوزاریێ هاتنە ئارمانجكرن وهەرفاندن .
ز.ح

269