نشأت زازا:  ENKS وێ رۆلەك ئەگتیڤ و كارا د رێڤەبەرییا ناڤچەیا ئارام دە هەبە

نشأت زازا: ENKS وێ رۆلەك ئەگتیڤ و كارا د رێڤەبەرییا ناڤچەیا ئارام دە هەبە

May 14 2019

ئەندامێ پۆلیتبیروویا پارتیا دەمۆكراتا كوردستان – سووریا، نشأت زازا، گۆت وێ رۆلەك ئەگتیڤ و كارا یا ئەنجوومانا نشتیمانیا كوردی ل سووریێ” ENKS” د رێڤەبەرییا ناڤچەیا ئارام دە هەبە ، لێ ئەم نكارن نها وێ رۆلێ دیار بكن، ژبەر كو هەتا نها لهەڤهاتنەك ناڤدەولەتی ونەرینەكە زەلال دناڤبەرا ئالیێن پەیوەندیدار وتێكلدار ب كارۆبارێ سووریێ نینە، وب تایبەتی ژی ، ئەجنیدایێن سیاسی و كارنامەیێن ئیستراتیجی ژبۆ دەولەتێن كو دوه هەڤپەیمان بوون و ئیرۆ دوژمنن. و ئەڤ یەك ژی زەحمەتێ ل پێشییا زەلالكرنا رۆلا ئەنەكەسێ د ناڤچەیا ئارام دە دورست دكە.

هەروها زازا گۆت، رۆلا ئەنجوومانا نشتیمانیا كوردی نە گرێدایی دەم وجهەكی دیارە ژبەر كو ئەو هلگرێ پرۆژەیەكی نەتەوەی یە و ژبۆ دۆزا مللەتێ كورد ل كوردستانا سووریێ دخبتە ومینا نوونەرێ رەوا وبالیۆزیێ دۆزا كوردی یە ل سەر ئاستا دەولەتێن هەرێمی و جیهانی وهەبوونا وێ د جڤین وكۆنگرێ دناڤەدەولەتی دەربارێ سووریێ دە مینا جنێڤ نیشانەك زەلالە د ڤێ دەربارێ دە.

338