راپۆرتا سیاسی یا پهدهكهسێ .. نیسانا 2019
آرك نيوز .. راپۆرتا سیاسی یا پارتیا دهمۆقراتا كوردستانا سووریا یا مها نیسانا 2019ان دهركهت وگهلهك مژار وبابهتێن پێشهاتهێن داویێ ل سهر ئاستا رۆژئاڤایێ كوردستانێ وسووریێ و هن مژارێن دن گهنگهش كریه .
د دهسپێكا راپۆرتا خوه بهحسا نهگوهدانا جڤاكا ناڤدهولتی دهربارێ كریزا سووریێ كریه وتێده هاتیه كو وهلاتێن ئاستانا وسوتشی ب لێڤهگهرا جنیف و بریارێن ناڤدهولتی ره نه ل ههڤن .
نهخاسم رهوشا ناڤبهرا ایران و رووسیا هاتیه تێكبرن كو روسیا دخوازه دهستێ خوه ب رێژیمێ ره دهینه سهر ادلبێ د ههمان دهمێ توركیێ بێ دهنگه كو ئهو یهك ب پرۆسهیهكه بههڤگوههرتنێ تێ دیاركرن .
ههروهها ئهمهریكا دخوازه ایرانێ درێا سزهیێن ئابووری تێخه حهشارگهێ ده دیاره كو لههڤهاتنهك ناڤبهرا ئهمهریكا وروسیا وتركیا دهربارێ ادلبێ ههیه داكو رووسیا ادلبێ دهستهسهر بكه .
دهربارێ كۆمیتا دهستوری د راپۆرتا سیاسی ده ههروهها هاتیه كو غیر بیدرسون شاندهیێ ناڤدهولتی كار ژبۆ دامهزراندنا كۆمیتا دهستووری دكه داكو ب رێكارێن ل سهر زهڤیێ ره نهبه رێگر .
وتوركیێ دهست ژ ههڤالبهندێن خوه بهرناده ول سهر دۆزا كوردی ب وهلاتیێن دن ره ل ههڤه و ئیران ل ههمبهر رهوشێن زهحمهت وئاستهنگ دهیه ب تایبهت گوفاژ و فشارێن ئهمهریكی و ئسرائیلی ل سهر وێ ورهوشا هوندری و كریارێن خوه ل ههمبهر كوردان و گهلێ دن دهێله كو رێگری وپرسگرێك وهرن پێشیا وێ ب تایبهت د دهما داویێ ده ئهمهریكا حهرهسا ئیرانی و فیلق قدس ل سهر رێخستنێن تهرۆری بناڤ كر .
رابۆتێ ئاماژه ب ههرێما كوردستانێ و ناكۆكیێ پارتیێن وێ كریارێن یهنهكێ ب پهدهكهیێ ره كریه كو ئێدی رێكهفتن ناڤبهرا پهدهكهێ و پهنهكێ و گۆران هاته ئیمزهكرن داكو حكومهتا ههرێما كوردستانێ وهره .
ل سهر رۆژئاڤایێ كوردستانێ وهها هاتیه كو گهلێ كورد ب نهرحهتی بنپێكرنێن ههرێما عهفرینێ ژ ئالیێ هن گرووپێن چهكدار ژ دزی و دهستهسهر كرنێ دشۆپینه سهرباری وێ ههردهم ودهمهكێ سهركرده و كادرێن ئهنهكهسێ و پارتیێن وێ راستی رهڤاندنێ تێن ودڤێ كارێ بهردهوام ب هێزێن ناڤدهولتی ره ورێخستنێن جڤاكا سڤیل و كۆمیتهێ ماڤێ مرڤان ره وهره كرن داكو داوی ب ئیش و ئازارێن گهلێ كورد ل عهفرینێ و هره .
ل سهر پهیهدێ راپۆرتا سیاسی یا پهدهكهسێ دایه دیاركرن كو دهما پهیهدێ ادعا دكه كو دخوازه مالا كوردی یهكرێز بكه و ب ئهنهكهسێ ره بگهینه چارهسهریان د ههمان دهمێ ده كادرێن ئهنكهسێ درهڤینه ئهو یهك تێ وێ واتهیێ كو نه رژده و دوور ژ راستیێ نه لهوما كهد وههول دبنه ئاسۆیهك دوور
د داوییا راپۆرتا خوه پارتیا دهموۆقراتا كوردستان – سوریا بهحسا پهدهكهسێ كریه كو ئهو ب رێێن رژد د بهردهوامكرنا كار و چالاكیێن خو چ دریێا ئهنهكهسێ ره به یان د رێا دهرڤه ئهنهكهسێ به یان د رێا ههڤپهیمانییا نشتیمانی یا ئۆپۆزسیۆنا سووریێ دكه داكو نڤیسگهێن خوه ب باشترین شێوه ئهكتیف وچالاك بكه .
ش.ع
562
