ماینەكە چاندی لمنبجێ تەقیا
ئیرۆ ماینەكە چاندی ل باژارێ منبج كو لژێر كۆنترۆلا چەكدارێن سووریایا دیموقراتیك كو چەكدارێن پەیەدێ بەشێ سەرەكەنە ژێ تەقیا و زیاننە مادی وجانی ئەنجام دان.
ل گۆری ژێدەرنە خوەجهی كو سبەها ئیرۆ ماینەكە چاندی ل دەرگەهێ باشوور یێ منبجێ ل نێزیك فلكەیا ئەلمدفع تەقیا و د ئەنجامێ دە دوو ژنێن سڤیل برینداربوون و ژبۆ نەخوەشخانەیێ هاتن ڤەگوهەستن.
د مەها بۆری دە ژی دوو تەقین ل باژارێ منبج روودان
رۆژا بیست و دویێ مەها بۆری تەقینەك ل تاخا خەزاونە یا باشوورێ باژارێ منبج ب رێیا ماتۆرسیكلەكێ ل نێزیك عەمبارا بناڤێ كراش روودا و د ئەنجامێ دە زیاننە مادی مەزن كەتن، و تو زیانێن جانی روونەدانە.
شەڤا بیست و یەكێ هەمان مەهێ ژی دەمژمێر هەشت و دەهـ خولەك كەسەكی نەناس بۆمبەیەك ئاڤێتە ناڤا عەمبارەكە خوارنێ ل نێزیك فلكەیا ئەلسەفینە یا ناڤا باژارێ منبجێ و د ئەنجامێ دە زیانەكە مادی گەهشت وی جهی و زیان تەنێ مادی بوون.
ل باژارێ منبجێ ناڤبەرا دەم و دەمەكێ دە تەقین رووددن كو بەریا دەمەكێ هەژمارەك لەشكەرێن ئەمریكی ژی د ئەنجاما تەقینەكێ دە ل ناڤا مەنبجێ ژیانا خوە ژدەست دان..
باژارێ منبج ل نێزیك هێلا ناڤبەرا چەكدارێن سووریایا دیموقراتیك و چەكدارێن مەرتالا فراتێ ژ ئالیەكی ڤە و چەكدارێن رێژیمێ ژ ئالیەكی دن ڤە، و ل ئالیەكی دن توركیە و ئەمەریكا راگهاندبوون كو وان لسەر پێشەرۆژا دەڤەرا منبجی ل هەڤكرنە و نەخشەرێیەك دانینە كو لگۆری وێ لهەڤكرنێ دڤێ هەموو چەكدارێن پەیەدێ ژ وێ ناڤچەیێ وەرن دەرخستن
371
