روسیا و تركیا لسەر بریڤەبرنا دەوریێن هەڤبەش ل ئدلبێ رێكەفتن

ارك نیوز .. بەردەڤكێ راگهاندنێ یێ ئۆپۆزسیۆنا سوریێ راگهاند كو تەڤایا ئالیێن بەشدار د گەرا دووزدەهان دە یا دانوستاندنێن نور السلتان دەرباری سوریێ لسەر برێڤەبرنا دەوریێن هەڤبەش ناڤبەرا روسیا و توركیێ دە ل باژارێ ئدلبی رێكەفتن .

ئەیمن العاسمی بەردەڤكێ راگهاندنێ یێ شاندا ئۆپۆزسیۆنا سوریێ بۆ استانا ئەشكەرە كر كو د گەرا دووازدەهان دە یا دانوستاندنێن نور السلتان بریارەك دەرباری ئدلبێ ژ تەڤایا ئالیێن بەشدار ڤە هاتە ستاندن ئەوژی برێڤەبرنا دەوریێن توركی روسی یێن هەڤبەش ل ئدلبێ یە .

هەروەها العاسمی دا زانین كو ئارمانج ژ برێڤەبرنا ڤان دەوریێن هەڤبەش ئەوە راوەستاندنا شەر و ئێریشێن كو ل باژارێ ئدلبێ تێنە ئەنجام دان وگۆت كو بریارە ئەڤ رێكەفتن د دەسپێكا گولانێ تێكەڤە وارێ جیبجیكرنێ دە .

لێ تا نها نە روسیا و نەژی توركیێ برێڤەبرنا ڤان دەوریێن هەڤبەش ل باژارێ ئدلبێ و دەردۆرا وێ ب فەرمی رانەگهاندیە ... هەڤدەمی ڤێ یەكێ ئارتێشا توركیێ د لڤ وتەڤگەرا خوە دە دناڤا باژارێ ئدلبێ دە بەردەوامە كو تا نها دەوریین خوە یێن لەشكەری ناڤبەرا هەر دووازدە خالێن خوە یێن چاڤدێریێ ل ئدلبێ و دەردۆرا وێ دە برێڤە دبە .

تەڤی ئمزەكرنا فلادیمێر پۆتین سەرۆكێ روسیا و رەجەب تەیب ئەردۆغان سەرۆكێ توركیێ د ئەیلونا بوری دە لسەر رێكەفتنا رێكەفتنا سوتشی دەرباری دەڤەرا بێ چەك ل ئدلبێ و راوەستاندنا شەر ناڤبەرا رێژیم و ئۆپۆزسیۆنێ دە ، لێ تا نها رێژیما ئەسەد و مێلیسێن بسەرڤە ژ ئالیەكی ، و بالافرێن شەركەر یێن روسی ژ ئالیەكی دنڤە، د ئارمانجكرنا دەڤەرێن ل باكورێ سوریێ بتایبەتی ئدلب و گوندەوارێن وێ بەردەوامە، ویا هەری داوی ژی بالافرێن روسی پشتی بداویهاتنا دانوستاندنێن نور السلتان ب چەند دەمژمێران هەردوو گوندەوارێن ئدلب و حمایێ بتوندی بومبەباران كرن ، كو د ئەنجاما وان ئێریشان دە هەژمارەك قربانی كەتن .

394