هسد ناڤچەیەكە رەقایێ رادەستی رێژیمێ كر
چەكدارێن سووریایا دیموقراتیك كو چەكدارێن پەیەدێ بەشێ سەرەكەنە ژێ، ناڤچەیەكە پارێزگەها رەقایێ كو لژێر كۆنترۆلا وێ دە یە رادەستی رێژیما ئەسەد كر و خوە ژێ ڤەكشاند.
رۆژا ئینا بۆری ئارتێشا رێژیما ئەسەد بەرەڤ بەرەیا باشوورێ رۆژئاڤایێ رەقایێ ڤە ب پشتەڤانیەكە ئاسمانی رۆسی ب كوربوونا سێ كیلۆمەتەریان پێشڤەچوو.
ئاژانسا سپۆتنیك یا رۆسی بەلاڤكریە كو رێژیما ئەسەد ژ گوندێ جعێدین ژ ئالیێ رۆژهلات بەرەڤ گوندێ بهوورە ئەلجەریات تا ناڤچەیا شوعەیب ئەلزەكەر ل ئالیێ رۆژئاڤایی ب كووربوونا سێ كیلۆمەتەریان پێشڤەچوو.
هەر ل گۆری وێ ئاژانسێ كو ئالاڤێن رێژیمێ دەست ب ڤەكرنا رێیێن مەیدانی ل وێ ناڤچەیێ كرن و گۆت كو چەكدارێن سووریایا دیموقراتیك خوە بەرەڤ دەرگەهێ خوە یێ لسەر رێیا سەلەمیە، تەپقە، رەقا ڤەكشاندن، و نها چەكدارێن رێژیمێ دەست ب ئاڤاكرنا دیوارێن ئاخێ و بهێزكرنا بەرەیێن خوە كرنە.
ناڤچەیا كو چەكدارێن سووریایا دیموقراتیك ل گوندەوارێ رەقایێ رادەستی رێژیمێ كریە ب بەرفرەهیا بیست و پێنج كیلۆمەترەیانە.
بەریا دەمەكێ ژی ل گوندەوراێ رەقایێ خوەنیشاندان هاتن لدارخستن تێ دە ئال و وێنەیێن سەرۆكێ رێژیمێ بەشار ئەلئەسەد هاتن بلندكرن.
د جۆتمەها سالا دوهەزار و حڤدەهان دە چەكدارێن سووریایا دیموقراتیك رزگاركرنا باژارێ رەقایێ راگهاند، و ژبۆ رزگاركرنا وی باژاری ب هەزاران ژ جوانێن كورد كو ژ ئالیێ پارتیا یەكیتیا دیموقراتیك پەیەدێ ڤە هاتبوون لەشكەركرن شەهیدبوون.
627
