خوەنیشاندان لدژی هسد و ب ك ك ل دیرازۆرێ تێنە ئەنجامدان
ل باژارۆكێ ئەلبسێرە یێ گوندەوارێ دێرازۆرێ، بانگا دەركەتنا چەكدارێن سووریایا دیموقراتیك كو چەكدارێن پەیەدێ بەشێ سەرەكەنە ژ وان چەكداران تێ كرن، لێ بانگا سەرەكە نە بناڤێ چەكدارێن هەسەدە و یەپەگە یە لێ لژێر سلۆگانا بلا كورد ژ ڤێ ناڤچەیێ دەركەڤنە.
د جۆتمەها دوهەزار و حڤدەهان دە و پشتی دانا ب دەهان شەهید ژ جوانێن كورد یێن رۆژئاڤایێ كوردستانێ، ئەڤ باژار ژ دەستێ تەرۆریستێن داعشێ هاتە رزگاركرن، و نها ژی نە بناڤێ پەیەدە و پەكەكە ب تەنێ ل بەلێ بانگا دەرخستنا كوردان ژ وێ ناڤچەیێ تێ كرن.
ئەڤە دوو رۆژن خوەنیشانداننە بەرفرەه ل باژارۆكێ ئەلبسێرە و گوند و ناڤچەیێن دەردۆرێ تێنە ئەنجامدان، و د وان خوەنیشاندانان دە سلۆگان و گۆتن لدژی پەكەكە و پەیەدێ و یەپەگە و هەسەدە و سەرۆكێ پەكەكە عەبدولا ئۆجەلان تێنە بلندكرن، هەروەها رێیێن سەرەكە یێن ڤی باژارۆكی ژ ئالیێ خوەنیشاندەران ڤە هاتنە گرتن، و خوەنیشاندەر دبێژن دێرەزۆر حورە حورە و الكوردی یتلەع بەره ئانگو دێرەزۆر ئازادە و بلا كورد ژێ دەركەڤن.
بەریا دوو رۆژان ل هەردوو باژارۆكێن ئەلكەسرە و محێمیدە و هەردوو گوندێن ئەلجنێنە و ئەلحیسان یێن گوندەوارێ دێرازۆرێ ژیخوەنیشاندان هاتن لدارخستن وەكە نەرازیبوون ژبەر خرابیا رەوشا ئەولەكاری و بلندبوونا نرخێ كەلوپەلان.
ل گۆری رەوانگەها سووری یا مافێ مرۆڤان بەلاڤكربوو كو چەكدارێن سووریایا دیموقراتیك ب گولەیان ئەو خوەنیشاندان بەربەلاڤ كرن، لێ خوەنیشاندەران چەكێن وان چەكداران ژ وان ستاندن و ئەو ژ گوندێن خوە دەركرن و رێبەند دانین.
ل گوندێ سوێدان ژی یێ گوندەوارێ دێرازۆرێ نەرازیبوونەكە مەزن پشتی كوشتنا زیندانكریەكی ب ئشكەنجەیێ دەركەت هۆلێ، هەروەها ل نێزیكی باژارۆكێ ئەلشحێل ژی تەرمەك سەرژێكری نەناس هات دیتن.
ل باژارێ رەقا و گوندەوارێن وێ ژی بەردەوام تەرۆركرن و خوەنیشاندان لدژی چەكدارێن سووریایا دیموقراتیك تێن ئەنجامدان، و گەلەك جاران هەسەدێ چوون و هاتن بشەڤ ل وان ناڤچەیان ژبەر رەوشا ئەولەكاریێ قەدەغەكریە.
ل ناڤچەنە دەرڤەیێ رۆژئاڤایێ كوردستانێ مینا رەقا و تەبقا و منبج و دێرازۆرێ پەیەدێ ب هەزاران جوانێن كورد تەڤلی شەرێن خوە ل وان ناڤچەیان كرنە و دانە شەهیدكرن، ل گۆری هن ئاماران كو دەردۆرا بیست هەزار جوانێن كورد ل وان ناڤچەیان هاتنە شەهیدكرن ، و نها ژی خەلكێن وان ناڤچەیان بانگا دەركەتنا چەكدارێن پەیەدێ و هەسەدەێ ژ وان ناڤچەیان دكن.
292
