شاندهیێ تایبهت یێ رووسیێ : تو ئوپراسیۆنێن لهشكهری ل سهر ئیدلبێ ناێن كرن
شاندهیێ تایبهت یێ سهرۆكێ رووسیێ ژ بۆ سووریێ راگههاند كو ئهو ب تو پرۆسهێن لهشكهری یێن بهرفره ل ئیدلبێ رانابن .
ئهلكسندهر لهفرنتیف رۆژا سێشهمێ 31/7/2018 پشتی بداویهاتنا جڤینێن ئاستانا د گۆنگرهك رۆژنامهڤانی ده تهكهز كر كو پێویسته كارێ تهرۆری ل وان دهڤهران وهره راوهستاندن لوهما وان بانگ ل ئۆپۆزسیۆنێ كریه كو د ڤێ دهربارێ ده ئالیكاری بن.
لهفرنتیف ههروهها دا زانین كو گرووپێن ئۆپۆزسیۆنا مایان رهو و نهرم وههڤالێن وان د ئارتێشا توركیێ ده پارستنا وێ دهڤهرێ ئانگو ئدلبێ ل خوه گرتنه وئهو ب د پارهستنێ ده سهركهڤن.
د ههمان دهمێ ئهلكسندهر لهفرنتیف شاندهیێ تایبهت یێ سهرۆكێ رووسیێ ژ بۆ سووریێ ده بال كشاند سهر گهڤ وتههدیدان وگۆت كو د ههیڤا بووری ده 26 ژ بالافهرێن بێ بالافر هاتن خوار وئهو بێ دهنگ نامینن وئهو ب ههر كارهكی ورێكارهكی د بنگهها حمێمیم ژ بۆ پارستنا لهشكهرێن وان رابن.
د 29/7/2018 د لێدوانهكه رۆژنامهڤانی ده سالح موسلم ههڤسهرۆكێ بهرێ یێ پارتیا یهكیتیا دهمۆقرات پهیهدێ تهكهز كربوو كو ئهوێ بهشداریێ د شهرێ ئیدلبێ ده بكن رێكهفتنا وان ب ههڤپهیمانیا ناڤدهولتی ره شهرێ تهرۆرێ یه وههر ههبوونهك ژ گرووپێن تهرۆریست ل سهر خاكا سووریێ وهك گهڤ وتههدیدهك ژ وان ره وسووریا وگهلێ وێ ره یه و دڤێ شهرێ وان وهره كرن .
د ههمان رۆژێ سهرۆكێ توركیێ رهجهب تهیب ئهردۆگان گۆتبوو كو ههر ئێریشهك ژئالیێ رێژیما سووریێ وهره سهر پارێزگهها ئدلبێ نایێ پهژراندن وبال كشاند سهر وێ یهكێ كو خالێن چاڤدێریێ ل وێ دهرێ ههنه وئهو یهك ب ههفشانێ خوه یێ رووسی ره گهنگهشهكریه .
ههروهها سهركردهیێ تهڤدهمێ ئالدار خهلیل راگهاندبوو ئهوێ بهشداریێ د شهرێ ئیدلبێ ده بكن و سهرۆكێ رێژیما سووریێ گۆتبوو كو ئیدلبێ ژ پیشهكاریێ وانه .
ل گۆر راوهنگهها سووری یا ماڤێ مرۆڤان كو لههڤهاتنهك ناڤبهرا گرووپێن چهكدار ده دهربارێ ئامادهكاریا شهر ل ئیدلبێ ههیه .
ش.ع
504