ئيران: ئهمێ ئسرائيل ژناڤ ببن
فهرماندهیێ هێزێن ئاسمانی یێن ئیرانی عزیز نصیر زاده راگهاند كو وهلاتێ وی ئامادهیه ژ بو شهرێ ئیسرائیل وژناڤبرنا وێ ژ ههبونێ بتایبهت پشتی ئیریشێن ئسرائیل یێن داوی ل سهر سووریێ .
زاده ژ ئاژانسهكه ب سهر رێژیما ئیرانێ ڤه راگهاند كو اسرائیل نهوێره ئیریشی ئيران بكه , لهوما بهرێ خوه دده سووریێ وتهكهز كر كو ئهو ئامادهنه كو بهرسڤا ههمێ گهفێن ئیسرائیلێ بدن .
نصیر زاده ههروهها سهرباركر وگوت كو ئیران ئامادهیه ژ بو شهرهكی مهزن ب ئسرائیل ره وئهشكهره كر كو چهكدارێن وان ئامهدهنه ژ بو روژا كو وێ َ ئسرائیل وێران بكن .
ئاخافتنێن بهرپرسێ ئیرانێ تێن پشتی كو بالافرێن ئسرائیلی هژمارهك ئیریش ل سهر سووریێ پێكئانین كو د ئهنجام ده چار لهشكهرێن رێژیما سووریێ هاتن كوشتن و شهش چهكدارێن دن بریندار بون ل گوری راگهاندنا رێژیما سووریێ .
ئیرو دهستێ سبههێ ئاژانسا سبوتنیك یا روسی ژى راگهاند كو هژمارهك مهزن ژ توپان ب سهر شاما پایتهختا سووریێ ده كهتن كو ل گوری چاڤدێران ئارمانجا ئسرائیل بالافرخانهیا مهزێ یا لهشكهری بو .
ئارتێشا ئسرائیل د داخویانیهكه فهرمی ده راگهاند كو ئارتێشا ئسرائیل شهڤا بوری هندهك ناڤهندێن "فهیلهق القدس" یێن ئیرانی ل سووریێ ئارمانج كرن ههروهها ئاگاداری دا ئارتێشا رێژیما سووریێ ژ مهترسیا ئارمانجكرنا خاك یان لهشكهرێن ئسرائیلی .
رێژیما سووریێ ژی ژ ئالیێ خوه ڤه راگهاند كو وان رێگری ل توپێن ئسرائیلی كرن كو بێهتری 38 توپێن ئیسرائیلی تیك برن بهریا كو بگهێن ئارمانجێن خوه .
310