فەرماندەیا گشتی یا هێزێن لەشکرێ رۆژ روونكرنەك بەلاڤكر

آرك نيوز...فەرماندەیا گشتی یا هێزێن لەشکرێ رۆژ روونكرنەك بەلاڤكر وتێدە گۆت گەلەک پۆرتال ومالپەر وتۆرێن جڤاکی دەنگ وباسێ دەستەسەرکرنا (شاکر فرمان بونجق) ژئالیێ دەستهلاتدارێن لیبی ڤە بەلاڤ کرنە کو ناڤهاتی شەر ژبۆ هێزێن ب کرێ گرتی یێن تورکی کریە.

هەروەها د روونكرنا فەرماندەیا گشتی یا هێزێن لەشکرێ رۆژ دە هاتیە كو مالپەرێن سەرب (PKK ) ڤە دەرفەت دیتنە و بەلاڤکرنە کو ناڤهاتی پێشمەرگەیە و سەر ب هێزێن (لەشکرێ رۆژ) ڤەیە ، ئەوژی وەك هەولدانێ ژبۆ شکاندنا ناڤێ پیروزێ هێزا لەشكەرێ رۆژە .

فەرماندەیا گشتی یا هێزێن لەشکرێ رۆژ د روونكرنا خوەدە گۆت مە ب پێویست زانی هەموو ئالیەكی ب ڤێ روونكرنێ ئاگەهداربكن كو کەسێ ناڤبووری ب تو ئاویایەكی پێشمەرگە نەبوو د ناڤا هێزێن لەشكەرێ رۆژ دە ، بەلکو تو پەیوەندیەك دناڤبەرا وی وهێزێن لەشكەرێ رۆژ دە نینە نە ژ نێزیک ونە ژ دوورڤە .

هەروەها د روونكرنێ دە هاتیە ناڤبووری پەنابەر بوویە لگەل خێزانا خوە ژبۆ هەرێما کوردستانێ ل دەمێ جەنگا سوری دە ل سالا 2012 ان ، دناڤا ب دەهان هزار پەنابەرێن خەلکێ سووریێ و ژ هەموو نەتەوە و ئۆلەكێ ، کورد وعەرەب وكریستیان , وپشترە بەرەف وەلاتێ تورکیا ڤە چوویە و ل وی وەلاتی نێشتەجێ بوویە ونەڤەگەریایە هەرێما کوردستانێ.

د روونكرنێ دە تەكەزی هاتیە كرن كو هێزا (لەشکرێ رۆژ) ب هێزەکە کوردستانی تێ ناسكرن ، هاتیە دامەزراندن ژبۆ بەرەڤانی كرنێ دبەر ئاخا کوردستانا پیرۆز بەرانبەر هەر دوژمن وتیرۆرستەکی وهەر جۆرە تیرۆرەکێ، و دپێشیا هەمووان دە تیرورستێن رێکخستنا داعش ، و دهەمان دەم دە ئەرکێ پاراستنا ئارامی وئەولەهیا کوردستانێ ب ئەرکێ خوە زانی یە ، وب ستویێ خو ڤە گرتی یە، ورێزی ل هەر گەلەکێ جیهانی ب رێبازا خوە یا پیروز زانی یە و ب تایبەت گەلێن دەڤەرێ.

د داویا روونكرنێ دە هاتیە ئەم وەک مللەتێ کورد رێزەكە تایبەت ل گەلێ لیبی دگرن، و ڤان هەولێن کەسێن نەفس نزم شەرمزاردکن کو بهەمی جۆرا هەولدایە ناڤێ هێزا لەشكەرێ رۆژ ب هندەک جهان ڤە گرێ بدە کوب تو رەنگەکی مە چ پەیوەندی پێڤە نینن ...

733