شه‌ركه سار دناڤ به‌را ئهمهريكا و روسيا ده ل سه‌ر پاشه‌روژا سوريێ لداره
ئارك نيوز .. ژبه‌ر نه‌سه‌ركه‌فتنا دورستكرنا كوميتا ده‌ستوريێ ل سوريێ كو د جڤينا سوتشي ده بريار ل سه‌ر هاتبوو ستاندن و ژبه‌ر گه‌را ئاسيتانا يازده كو د 28 و 29 مها بوري ده ده‌رباسبوو بێ كو گاڤێن به‌رچاڤ د ده‌ربارێ كوميتا ده‌ستوري ده بده‌ست خوه ڤه بينن , بتايبه‌تي شانده‌ێ ناڤ ده‌وله‌تي ژبو سوريێ ستيڤان ديمستورا دل خه‌ميا خوه ژ هه‌ولێن روسيا و توركيا وئيرانێ ره دان دياركرن كو نكارين كوميتا ده‌ستوري يا سوريێ ئاڤابكن .
داخويانێن جودا جودا ژ جهێ بريارێ ژ ئاليي روسيا و ئهمهريكا ڤه ده‌ردكه‌ڤن دوه سه‌روكێ ده‌سته‌يا ئه‌ركانێ روسي فالێري گيراسيموف راگه‌هاند كو ئهمهريكا دخوازه كه‌يانه‌كي كوردي جودا ژ شامێ پايته‌ختا سوريێ ئاڤابكه .
ژبه‌ري وي وه‌زيرێ ده‌رڤه يي وه‌لاتێ روسي سيرگي لافروف گوتبو كو ئهمهريكا مه‌رمێن وێ د روژهه‌لاتێ فه‌راتێ ده هه‌نه ب تايبه‌تي ل ده‌ڤه‌رێن كوردستاني كو د خوازه ده‌ڤه‌ره‌كي تايبه‌ت ب كوردان ب سه‌ر به‌ر‌شتيا خوه ئاڤابكه .
و ه‌كو به‌رسف ژ داخوانێن روسي ره جێمس جێفري شانده‌ێ ئه‌مه‌ريكي ژبو سوريێ راگه‌هاند ژبه‌ر كو هه‌ولێن روسي ژبو ئاڤاكرنا كوميتا ده‌ستوري سوريێ ب سه‌ر نه‌كه‌تنه وه‌لاتێ ئهمهريكا پلانه وێ ئه‌لترناتيڤ ئانگو به‌ديل هه‌نه نمونه ئه‌گه‌ر هه‌يه ئهمهريكا ئه‌زمونا هه‌رێما كوردستانێ ل سوريێ پێك بينه .
ژبه‌ر وێ يه‌كێ روسيا ده‌ست ب تومه‌ت كرنا ئهمهريكا كر كو دخوازه كه‌يانه‌كي كوردي جودا ژ ديمه‌شقێ پايته‌ختا سوريێ ئاڤابكه .
د ڤێ ده‌ربارێ ده سلێمان ئوسو ئه‌ندامێ كوميتا سياسي يا پارتيا يه‌كيتيا كوردي ل سوريێ راگه‌هاند كو ده‌ما ئهمهريكا به‌حسا ئه‌زمونا هه‌رێما كوردستانێ دكه واته پلانێن ئه‌مه‌ريكي ل سوريێ ئه‌شكه‌ر و زه‌لادبه كو مانه ئهمهريكا وێ درێژبه ل سوريێ و ئستراتيجيه‌ته‌كه وێ پلانكري ريكخستي د سوريێ ده هه‌يه .
ژ ئاليي خوه‌ڤه عبد الصمد خلف برو كو ئه‌وژي ئه‌ندامێ كوميتا سياسي يا پارتيا يه‌كيتيا كوردي ل سوريێ يه ژ ئاركێ ره راگه‌هاند كو ئهمهريكا تا نها تو هه‌ولێستێن وێ ين زه‌لال د ده‌ربارێ سوريێ ده تونه‌نه و شه‌رمه ژ روسيا ره دوسه‌يا كوردي ب ئاوايه‌كي نه‌رێني بكارتينه .
شه‌ركي ده‌ڤوكي د ناڤ به‌را روسيا و ئهمهريكا ده د ده‌ربارێ پاشه‌ر وژا سوريێ ده ل داره روسيا ئهمهريكا تومه‌ت باردكه ب بيروكه‌ێن جوداكرنا خاكا سوريێ و ئهمهريكا ژي ژ روسيا ره دبێژه بێ ئهمهريكا ره‌وش ل سوريێ چاره سه‌ر نابه.
z.h
903
