ئهركانا روسي : ئه‌مه‌ريكا دخوازه كه‌يانه‌كي كوردي جودا ژ ديمه‌شقێ ئاڤابكه
ئارك نيوز .. ده‌سته‌يا ئهركانا روسي ئيرو وه‌لاتێ ئه‌مه‌ريكا تومه‌ت باركر كو دخوازه كه‌يانه‌كي كوردي جودا ژ ديمه‌شقێ پايته‌ختا سوريێ ئاڤابكه و سه‌رباردكه كو ره‌وش ل روژ هه‌لاتاێ فه‌راتێ ب تايبه‌تي ل ده‌ڤه‌رێن كوردستانێ هن بهن ئالوز دبه .
جێنيرال فاليري گيراسيموف سه‌روكێ ده‌سته‌يا ئهركانا روسي ئيرو روژا چارشه‌مێ 5/12/2018 راگه‌هاند كو ره‌وش ل روژ هه‌لاتێ چه‌مێ فه‌راتێ ب گشتيي روژ ب روژ ئالوز تر دبه ژبه‌ر كو وه‌لاتێ ئه‌مه‌ريكا دخوازه كه‌يانه‌كي كوردي جودا ژ شاما پايته‌ختا سوريێ ئاڤابكه , و ئاماده‌كاريان ژ سوريايه‌كه فيدرال ره دكه .
گيراسيموف دا زانين كو رێخستنا داعش يا ته‌رورست تنێ ل ده‌ڤه‌رێن روژ هه‌لاتێ فه‌راتێ مانه ئانگو ئه‌و ده‌ڤه‌رێن كو دبن ئه‌ژمونا هێزێن ئه‌مه‌ريكي ده‌نه , و ب بهانه‌يا شه‌رێ رێخستنا داعش يا تره‌روست ئه‌مه‌ريكا دخوازه هه‌وبونا خوه ل سوريێ درێژبكه تا كو پروژه‌ێن خوه ين پلانكري د ده‌رباێ سوريێ ده بجه بينه .
سه‌روكێ ده‌سته‌يا ئه‌ركانێ روسي دا دياركرن كو د سالا بوري ده روسيا ب هه‌ماهنگي ل گه‌ل رژێما ئه‌سد ته‌ڤاهيا گروپ و رێخستنێن ته‌رورست ژ ناڤ برن تنێ هه‌ژماره‌ك گروپێن توندره‌و ل ئدلبێ مانه ئه‌وژێ ل به‌ر نه‌مانێ نه لێ به‌لێ ده‌ڤه‌رێن روژهه‌لاتێ فه‌راتێ روژ بروژ شانوێن رێخستنا داعش يا ته‌رورست تێده چالاك دبه بێ كو ئه‌مه‌ريكا سينوره‌كي ژ هه‌بونا وانره دانه .
گيراسيموف د درێژاهيا ئاخفتنێن خوه‌ده گوت كو روسيا د ده‌ما بوري ده ژ ئه‌مه‌ريكا ره گوتبوو كو ئه‌وێ ئوپراسيونێن هه‌ڤ به‌ش ژ بنگه‌ها ته‌نه‌ف يا له‌شكه‌ري كو دكه‌ڤه نێزيكي ده‌رگه‌هێ ته‌نف يي سينوري ب عيراقێ ره ل دژێ داعشێ پێك بينن لێ به‌لێ ئه‌مه‌ريكا نه رازيبوو و دخواست ب ته‌نا خوه گروپێن ناڤ بوري ژ ناڤ ببه ,
د هه‌روو روژێن بوري ده سێرگي لافروف وه‌زيرێ ده‌رڤه يي وه‌لاتێ روسي راگه‌هاندبوو كو ئه‌مه‌ريكا ب كارتا كوردي ل سورێ دله‌يزه و دخوازه كو ده‌گه‌هنه حكومي ئه‌لترناتيف ئانگو به‌ديل ژ ده‌زگه‌هێن كو نها ل دارن دورست بكه , لافروف راگه‌اهندبوو كو ئه‌و يه‌ك ژ ئه‌مه‌ريكا ره ناێ قه‌بول كرن ژبه‌ر كو باندورا وێ ل سه‌ر يكبونا خاكا سوريێ هه‌يه .
Z.H
271
