كۆنگرا برۆكسل یا پشتەڤان ژ سووریێ رە وێ د ناڤەراستە ڤێ مەهێ دە وەرە لدارخستن

آرك نيوز.. كۆمیسەریا ئۆرۆپا ئەشكەرەكر كو كۆنگرەیێ برۆكسل یێ حەفتێ بۆ پشتەڤانیا سووریێ ودەڤەرێ وێ ل رێكەفتا 14 و 15 ڤێ مەهێ وەرە ل دارخستن، كو یەكەم رۆژ وێ تایبەت بە ب روونشتنەكێ ژ رێخستنێن جڤاكا سڤیل رە ل پەرلەمانێ ئۆرۆپا ، ودوەم رۆژا كۆنگرە وێ ل سەر ئاستا وەزیرێن وەلاتێن بەخشێنەر بە

د داخویانیەكێ دە بەردەڤكێ یەكیتیا كاروبارێن دەرڤە وسیاسەتا ئەولەهی یا ئۆرۆپا بیتر ستانۆ گۆت كو ئارمانج ژ كۆنگرە تەكەز كرنە ل سەر پابەندبوونا یەكیتیا ئۆرۆپا وپشتەڤانیكرنا گەلێ سووریێ ، وكۆمكرنا ئالیكاریێن مرۆڤی ومادی ژبۆ دابینكرنا پێدڤیێن خەلكێ سووریێ یێن كو زیان ب وان گەهشتیە چ ل ناڤا خاكا سووریێ ژیان دكن ویان ژی ژ دەرڤە.

هەروەها بیتر ستانۆ گۆت كو یەك ژ ئارمانجا كۆنگرە پشتەڤانیكرنا وەلاتێن كو پەنابەرێن سووریێ حەواندنە، وپشتەڤانیا خوە ژ بۆ پەنابەر ودەربدەرێن سووریێ نیشان دانە مینا لوبنان، ئۆردن ، توركیا ، مصر وعێراق.

هەروەها ل گۆری د داخویانیا بەردەڤكێ یەكیتیا كاروبارێن دەرڤە وسیاسەتا ئەولەهی یا ئۆرۆپا هاتیە ئەڤ كۆنگرە وێ كەش وهەوایەكێ ژبۆ بەشداریا ناڤدەولەتی د چارەسەركرنا كریزا سووریێ دە پەیدا بكە، ئەوژی ل گۆری بریارا ناڤدەولەتی 2254 .

هەروەها بیتر ستانۆ گۆت د یەكەم رۆژا كۆنگرەدە دەرفەت وێ هەبە تاكو جڤاكا سڤیل ژ ناڤا خاكا سووریێ وناڤچەیێن هەرێمی ژ سووریێ بكاربە گۆتووبێژیێ د تەحەدیاتێن ل پێشیا گەلێ سووریێ هەنە بكە كو ئارمانج ژ ڤێ جۆرێ جڤینێ تەكەز كرن ل سەر پشتەڤانیكرنا سیاسی ژ جڤاكا ناڤدەولەتی ژ كەس وئالیێن ئەكتیڤ ژ ناڤا جڤاكا سڤیل.

ل گۆری داخویانیێ د دوەم رۆژا كۆنگرەدە جڤین ل سەر ئاستا وەزیرێن وەلاتێن بەخشێنەر وێ وەرنە لدارخستن، وب تایبەتی وەلاتێن ئەندام د یەكیتیا ئۆرۆپا دە ووەلاتێن هەرێمی ژ سووریێ رە ونوونەرێن نەتەوین یەكگرتی ورێخستنێن ناڤدەولەتی وێ د دوەم رۆژا جڤینێ دە ئامادە بن.

هەروەها داخویانیێ ئەشكەرەكر كو جۆزیب بۆریێل نوونەرێ بلند یێ یەكیتیا ئۆرۆپا بۆ كاروبارێن دەرڤە وسیاسەتا ئەولەهی ، وئۆلیڤەر فارهێلی كۆمیسەر بەرپرسیارێ دۆسەیا هەرێمی وبەرفەرهـ بوونێ یا ئۆرۆپا ، وجانیز لینارتشیتش كۆمیسەرێ رێڤەبرنا كریزان وێ سەرپەرشتیا كۆنگرە بكن

ژ سالا 2017 ان یەكیتیا ئۆرۆپا كۆنگرەیێ پشتەڤانیكرنێ ژ سووریێ رە ل داردخە، ئەوژی تاكو وەلاتێن بەخشێنەر ورێخستنێن ناڤدەولەتی وهەرێمی بهتر بەشداریێ د ئالیكاریا خەلكێ سووریێ دە بكن، كو سالا بووری رۆسیا بەشداری د كۆنگرە دە ژبەر ئێریشكرنێ ل سەر ئۆكرانیا نەكر.

سالا بووری د كۆنگرەیێ برۆكسل دە كو دەمها گولانێ دە هاتە ل دارخستن 5.3 ملیار یۆرۆ ژبۆ خەلكێ سووریێ یێن ل سووریێ ووەلاتێن هەرێمی ژ سووریێ رە ژیان دكن هاتنە كۆمكر.

230