دەستەیا دانوستاندكارا سوریێ ل جنێفێ دجڤە
ارك نیوز.. ژبۆ گەنگەشەكرنا ژمارەیەك دۆسە لگۆری پێشڤەچونێن سیاسی و هەرێمی و ناڤدەولتی دەستەیا دانوستاندكارا سوریێ د هەردوو رۆژێن بێ دە ل جنێفێ دجڤە ئەوژی لگۆری دەستەیا دانوستاندكار لسەر روپەلا خوە یا فەرمی بەلاڤ كریە.
د جڤینێن جنێفێ دە دەستەیا دانوستاندكارا سوریێ وێ تەكەزیێ لسەر بلندكرنا ئاستا هەماهەنگیێ وكاری هەڤبەش بن سیبەرا دەستەیا دانوستاندكار ژبۆ دووبارە ئەكتیڤكرنا پرۆسەیا سیاسی بكە هەروەها وێ گۆتوبیژیێ ژی لسەر چارەسەریا سیاسی لسوریێ لگۆری بریارا ئەنجومەنا ئەولەهیا ناڤدەولتی یا ژمارە بیست و دوو پێنجی و چار بكە.
هەروەها د چارچۆڤەیا هەردوو رۆژان دە ژی دەستەیا دانوستاندكارا سوریێ وێ لگەل ژمارەیەك وەلاتێن خوەدی باندۆر د دۆسەیا سوریێ و پشتەڤان ژ چارەسەریا سیاسی لسوریێ بجڤە و ژمارەیەك هەڤدیتن ئەنجام بدە داكو دۆسەیا سوریێ و مژارین گرێدایی پێڤە گۆتوبیژ بكن.
دڤێ دەربارێ دە سەرۆكێ دەستەیا دانوستاندكارا سوریێ بدر الجاموس ژ رۆژنامەیا العربی الجدید رە راگهاند كو پشتی سێ سالان ژ راوەستاندنا جڤینێن وان لجنێفێ جارەكە دن دەستەیا دانوستاندكار ا سوریێ ڤەدگەرە و دەست ب جڤینێن خوە دكە .
وسەربار كر كو ئەو یەك نەرینن دەربارێ دورخستنا تەڤایا ناكوكیان ب ئارمانجا دیاركرنا یەكرێزیێ و هەولویستا وان یا سیاسی.
سەرۆكی دەستەیا دانوستدكارا سوریێ ژ هەمان رۆژنامەیێ رە ئەشكەرە كر كو ئەجندا جڤینێن وان ل جنێفێ ئارمانج ژێ گەنگەشەكرنا گوهەرتنێن ناڤدەولتی و گوهەرتنێن كود دۆسەیا سوریێ دە دروست بوویە ، سەرباری گەنگەشەكرنا كریزا مرۆڤی لسوریێ بتایبەتی پشتی روودانا عەردهەژا ویرانكەر د سباتا بوری دە ، هەروەها دەرخستنا داخویانیەك سیاسی یەكبوویی كو تێدە هەولویستا خوە ژ تەڤایا پێشهاتەیێن وپێشڤەچوونێن سیاسی دەربارێ كریزا سوریێ دیار بكن.
الجاموس دا زانین ژی كو د جڤینێن هەردوو رۆژێن شەمیێ و یەكشەمی دە ل جنێڤێ وێ نونەرێن هەژمارەك وەلاتێن رۆژئاڤایی و ئۆربی و عەربی و گێر بێدرسۆن شاندەیێ ناڤدەولتی یێ تایبەت بۆ سوریێ و نوونەرێ یەكیتیا ئەورپایێ ئامادە ببن و بەشداریێ بكن
200
