پەدەكەسێ نامەیەك ژ سەرۆك بارزانی رە شاند
آرك نيوز... د سالڤهگهرا 61ێ یا دهستپێكرنا شۆرهشا ئیلوونا پیرۆز ده یا كو ب فهرمانداری و رێبهرتیا بارزانیێ نهمر بوو, پارتیا دهمۆقراتا كوردستان - سووریا نامهیهك ئارهستهی سهرۆك مهسعود بارزانی, سهركردایهتی, ئەندام و كادرێن پارتیا دهمۆقراتی كوردستانێ كر, تێ ده پیرۆزباهیێن گهرم ب ناڤێ كۆمیتا ناڤهندی یا پدەكەسێ, ههڤال و ئالیگرین وێ, د ڤێ رۆژا پیرۆز و بهرچاڤ د دیرۆكا كوردی ده پێشكێش كرن.
پەدەكەسێ د نامهیا خوه ده گۆتیه: رێبهر بارزانیێ نهمر د بجیكرن تێگههێن شۆرهشا ئیلوونێ ده ب سهر كهت, ڤینا خوه ژ روحێ بهرخوهدانا پێشمهرگهیێن كوردستانێ بر, و ب ههر كارین و شیانهكێ كار كر كو رهواتیا گهل بلند بهێله, هشت كو ئەو شۆرهش ببه شۆرهشهك ژ ههموو كوردستانیان ره, ب وێ یهكێ ژی شۆرهشا ئیلوونێ د سهردهما نها ده یهك ژ نیشانێن ههری بلند ژ ههر سهركهفتنهكێ, كو كوردان ب دهست خوه خستیه, جهێ خوه دگره.
پەدەكەس ههروهها دا زانین كو شۆرهشا ئیلوونێ ههر چین و پێكهاتهیهك ل خوه گرتن, و ل دۆرا شۆرهشێ كۆم بوون, ب ههزاران ژ جوانێن كوردستانێ تهڤلی بوون, ژ بهر كو شۆرهشهك بوو ههموو واته و نرخێن وهفاداری و سۆزداریێ ژ بۆ بهرژهوهندیێن بلند ئێن گهلێ كورد تێ ده ههبوون, و بوو رووپهلهك ههری برۆنی یه, د دیرۆكا گهلێ كورد یا كو ژ بۆ سهربهستی و ئازدیێ تهكۆشین و خهبات دكرن, ب سایا ڤێ شۆرهشێ كوردان سهركهفتن و دهسكهفتیێن مهزن ل سهر ههر ئاستهكێ ب دهست خوه ڤه خستن وهكه رێكهفتنا 11ێ ئادارا 1970ی ده كو دان ب ئوتۆنۆمیهكێ ژ كوردان هات كرن, و د دهستوورا عیراقێ ده د وێ دهمێ هات نڤیساندن و چهسپاندن.
پەدەكەسێ ئامهژه پێ كر كو ئەو د باوهریێ ده نه كو ئەمانهت و پرهنسیپێن شۆرهشا ئیلوونێ د دهستێ وهفادار برێز سهرۆكێ مهسعود بارزانیێ ده یه, نها كوردستانێ بوویه قوبلهت و بهرێدانا ههر كوردستانیهكی, ههولێر ژی بوویه جهێ خوهلێگرتنا جیهانی ب تایبهت ئالیێن عیراقی, نهخاسم د دهما ململانی, گرژی و ناكۆكیان ده, بهرێ خوه ددن ههولێرا پایتهخت و ب رێزداری گوه ل شیرهت و گۆتنێن سهرۆك د دیتنا چارهسهریان دگرن.
پارتیا دهمۆقراتا كوردستان – سووریا جارهكه دن د نامهیا خوه ده پیرۆزباهی پێشكێش كرن و سلاڤێن گهرم ژ رێبهرێ شۆرهشا ئیلوونێ بارزانیێ نهمر و روحێ پاكرهوانێن شۆرهشێ و پێشمهرگهیێن لهههنگ و قههرهمان ره شاندن و راگهاند كو ئەوێ ل سهر پرهنسیپێن دبستانا كوردایهتیێ و رێبازا كو ل سهر دهستێ بارزانیێ نهمر بنگهه و ستوون ژێ ره هاتنه داین كار و خهباتێ خوه بهردهوام بكن .
375