سەرۆكێ ئەنەكەسێ: پەیەدێ د هەر وارەكی دە شكەست ئانی
آرك نيوز... د لێدوانهكێ بۆ رۆژنامهیا شهرق ئەلهوسهت ده, سهرۆكێ ئەنجوومهنا نشتیمانی یا كوردی ل سووریێ ئەنەكەسێ, و سهكرهتهرێ پارتیا دهمۆقراتا كوردستان - سووریێ پەدەكەسێ, سعوود ئەلمهلا بههسا گهلهك مژار و بابهتان و پێشهاتهیێن داویێ نهخاسم گهفێن توركیێ ژ ئەنجامدانا ئوپهراسیۆنهكه لهشكهری نوو سهرباری كریار و رهفتارێن پەیەدێ ههورهها كار و كهدێن وان وهكه ئەنەكەسێ ژ بۆ دیتنا چارهسهریهكێ ژ كریزا سووریێ و دۆزا كوردی ل سووریێ رە كر.
سهرۆكێ ئەنەكەسێ دهرباێ گهفێن توركیێ بانگ ل ههر یهك ژ ئەمهریكا وروسیێ كر كو كار ل سهر راوهستاندنا گهفێن توركیێ و دهستێوهردانا لهشكهری د دهڤهرێ ده بكن, ژ بهر كو دێ بێتر پرسگرێكان بئافرینه, و دێ ببه بارهكی دن ژ كریزا سووریێ ره, ههروهها ئێش و دهردهسهریا وهلاتیێن سووریێ ب گشتی دێ زێدهتر بكه ب تایبهت ل سهر شێنیێن دهڤهرێ.
ل سهر كار و خهباتا ئەنەكەسێ, سهرۆكێ ئەنجوومهنێ ئاماژه ب وێ یهكێ كر, كو ئەو وهكه ئەنەكەسێ د تهكۆشینا ئاشتیانه و گوركرنا كهدێن دیپلۆماسی د رێیا پهیوهندی ب ئالی و وهلاتێن بباندۆر د دۆسهیا سووریێ ده بهردهوامن, دا كو مهترسی وهره ژناڤبرن, و چارهسهریهك ژ دۆزا كوردی ل سووریێ و كریزا سووریێ ره وهره دیتن.
سهرباری ڤان ههر دو مژاران سعوود ئەلمهلا ل سهر كریار و رهفتارێن پەیەدێ د دهڤهرێ ره راوهستیا و گۆت كو ئێدی نه ڤهشارتی و ژ ههر كهسهكی ڤه زهلالە كو دهستههلاتداریا دیفاكتۆ واته رێڤهبهریا پەیەدێ ژ بهر دهستدانین و دهستهسهركرنا سهر ههر وارهكی ده, شكهست ئانی و نكاریبوو هێسانترین پرسگرێكهكێ ژ دابینكرنا دهرفهتێن كار و بێژێوا رۆژانه، دوور ژ پاوانكاریا سیاسی و ئایدلۆجی, چارهسهر بكه.
د داویا داخویانیا خوه ده سهرۆكێ ئەنكسێ سعوود ئەلمهلا و سهكرهتهرێ پەدەكەسێ ژ بۆ رۆژنامهیا شهرق ئەلهوسەت رە وهها راگهاند كو ژ بهر سیاسهتا پەیەدێ یا نه بهرپرسیارانه د رێیا برینا سووتهمهنیێ و بلندكرنا نرخێ وێ و فرۆتنا تۆڤێن چاندنیێ ب نرخێن بلند و نهدابینكرنا پشتهڤانیێ ژ ههزاران مالباتان ره, هشت كو باندۆرهكە مهزن ل رهوشا ئابووری, ئەولههیا خوارهك, پهیداكرنا پێدڤیێن ژیانێ و سهقامگیریا دهڤهرێ بكه.
ش.ع
355
