11 پرسیار دەربارێ کۆمیتەیا دەستووری یا سووریێ
١- کەنگی بریار ل سەر ئاڤاکرنا کۆمیتەیا دەستووری ھاتیە ستاندن؟
ئاڤاکرنا کۆمیتەیەکە دەستووری یەک ژ خالێن داوینامەیا کۆنگرێ دانووستاندنا نشتیمانی یێ سووریێ بوو، کو د ٣٠ێ چلەیا ٢٠١٨ان ل سۆتچی، ل رۆسیایێ ھات لدارخستن، ئەو ژی ل گۆری بریارا ٢٢٥٤یا ئەنجومەنا ئەولەکاریا ناڤدەولەتی.
٢- بریارا ٢٢٥٤ چیە؟
بریارا ٢٢٥٤ د ١٨.١٢.٢٠١٥ان دە ھاتیه دەرخستن، داخواز ژ ھەموو ئالیان دکە کو یەکسەر ئێریشان ل دژی ئارمانجێن سڤیل راوەستینن، و تەکەزی ل وەلاتێن ئەندام د ئەنجومەنا ئەولەکاریا ناڤدەولەتی دە دکە کو پشتەڤانیا ھەولێن بجیکرنا ئاگربەستێ ل سووریێ بکن.
٣- ئەرکێ کۆمیتەیا دەستووری چیە؟
بەرھەڤکرنا دەستوورەکە نوو، یان پێکانینا گوھەرتنان د دەستوورا نھا یا سووریێ دە.
٤- چەند لیستە ژ بۆ کۆمیتەیا دەستووری ھەنە؟
٣ لیستە نە:
-لیستەیا رێژیمێ
-لیستەیا ئۆپۆزسیۆنێ
-لیستەیا جڤاکا سڤیل
٥- ھەژمارا بەربژێرێن ھەر لیستەیێ چەندن؟
-لیستەیا رێژیمێ: ٥٠ بەربژێر
-لیستەیا ئۆپۆزسیۆنێ: ٥٠ بەربژێر
-لیستەیا جڤاکا سڤیل: ٥٠ بەربژێر، وێ ژ ئالیێ دی مەستۆرا ڤە وەرن دەستنیشانکرن.
٦- کەنگی ھەر ئالییی لیستەیا خوە پێشکێش کر و ژ بۆ کێ؟
-رێژیمێ د ٢٦.٠٥.٢٠١٨ان لیستەیا خوە رادەستی رۆسیا و ئیران وەکە ئالیێن گەرەنتۆر د ئاستانایێ دە، کر.
-ئۆپۆزسیۆنێ ب ناڤێ دەستەیا دانووستانکار کو ژ ٧ لاشێن سیاسی پێک تێ، د ٠٥.٠٧.٢٠١٨ان دە لیستەیا خوە رادەستی تورکیێ وەکە یەک ژ وەلاتێن گەرەنتۆر د ئاستانایێ دە، کر.
- لیستەیا جڤاکا سڤیل ژ ئالیێ دی مەستۆرا ڤە تێ دەستنیشانکرن.
٧- چەند ئەندام وێ ژ بەربژێران ژ بۆ کۆمیتەیا دەستووری وەرن ھلبژارتن؟
٤٥ ئەندام:
-١٥ ئەندام ژ رێژیمێ.
-١٥ەندام ژ ئۆپۆزسیۆنێ.
-١٥ەندام ژ جڤاکا سڤیل
٨- کەنگی کۆمیتەیا دەستووری وێ وەرە ئاڤاکرن؟
تێ پێشبینيکرن د داویا جۆتمەھا ٢٠١٨ان دە وەرە ئاڤاکرن.
٩- رێژەیا کوردان د کۆمیتەیا دەستووری دە چاوایە؟
کورد وێ د کۆمیتەیا دەستووری دە ب رێیا ٤ ئالیان بەشدار ببن:
-د رێیا نوونەراتیا ئەنجومەنا نشتیمانی یا کوردی ل سووریێ د کوالسیۆنا نشتیماني یا ئۆپۆزسیۆنا سووریێ دە.
-د رێیا ھەبوونا ئەنجومەنا نشتیمانی یا کوردی ل سووریێ وەکە لاشەکی سەربخوە د دەستەیا دانووستانکار دە.
-د رێیا لیستەیا جڤاکا سڤیل.
-د رێیا نوونەرێن ئەنکسه د ناڤا تیما پسپۆران دە.
١٠- ھەژمارا ئەندامێن کورد د کۆمیتەیا دەستووری دە وێ چەند بە؟
٨ تا ١٠ ئەندام ژ تەڤاھیا ٤٥ ئەندامان ( د رێیا کوالسیۆن، دەستەیا دانووستانکار و جڤاکا سڤیل رە)
١١- پێنگاڤا پشتی کۆمیتەیا دەستووری چیە؟
ھلبژارتن
570