دەه سال ل سەر كومكوژییا مالباتا شێخ حەنان رە دەرباس دبن

آرك نيوز... دوه 4 - 7- 2022 دەه سال ل سەر كومكوژییا مالباتا شێخ حنان شێخ حەسەن رە دەرباس بوون كو ب دەستێ پەیەدێ هاتبوو ئەنجامدان.

د ئەنجاما وێ كومكوژیێ دە سێ ژ یەك مالباتێ هاتن شەهیدكرن ئەو ژی ئەڤن: شێخ حنان وكورێ وى عبدالرحمن كو د چارێ مەهێ ده هاتن شەهیدكرن پشتی وێ ب رۆژەكێ واتە د پێنجێ مەهێ ده كورێ دن یێ بناڤێ نورالدین د بن ئەشكەنجەیێ د زیندانەكە راجۆ دە هاتە شەهیدكرن.

هەروەها ب دەهان ژ مالبات ژ سەركەرە، ئەندام وئالیگرێن پەدەكەسێ هاتنە گرتن ورەڤاندن وبریارا كوشتنا دووزادەه كەسێ دن ژ ئالیێ پەیەدێ ڤە دەركەت.

سەرباری شەوتاندنا مال وملكێن وان و بێريزیكرنا ب تەرمان، كو چەند دەمژمێران ل كۆلانان ل پێش نەخوشخانەیا دێرسم مان، ونەهشتن تو كەس نێزیكى تەرمان ببە ووان ڤەشێرن.

سەدەم ئەبوو كو مالباتەكە وەلاتپارێز بوون ل سەر رێا بارزانیێ نەمر بوون و لدژی پەيەدێ و كریارێن وێ بوون.

دە سال دەرباس دبن هین پەیەدێ د كریار و بنپێكرنێن خوە دە د درماڤێ سیاسەتمەدار و ئەندام وچالاكڤان و مالباتێن نە هەڤنەرین ب وان رە بەردەوامن. ژ بلێ وێ كومكۆژیێ ب دەهان كومكوژی وبوویەر وەك برج عبدالو وعامودێ ومالا بدرو وئارمانجكرنا سەركردەیان وەك نصرالدین برهك ومشعل تمو وبدهان كەسێن دن، ئەنجامدانه وتا نها كوژەر سەربست وئازادن.

799