ئەنەكەسێ بانگا سەربەستبەردانا هەموو گرتییان كر

آرك نيوز... د 1ێ تیرمەھا 2022یان، ئەنجوومەنا نشتیمانی یا کوردی ل سووریێ، داخویانیەک ژ بۆ رایا گشتی بەلاڤ کر، تێ دا بانگا سەربەستبەردانا حەمید عیدێ و ھەموو گرتی و رەڤاندیان کر و گۆت کو پەیەدە ل سەر نەدیارکرنا چارەنڤیسا حەمید ئیدێ رژدە.

ئەنەکەسێ د داخویانیا خوە ده وەھا گۆتیە: ھەڤدەمێ کو وەلاتیێن کورد د رەوشەکا ئابووری و ئەولەکاری یا خەراب ده دەرباس دبن، رێڤەبەریا پەیەدێ د ئاستەنگکرنا ژیانێ، د رێیا کریارێن ترساندن، ژ رەڤاندن و گەفلێکرنێ ده، بەردەوامە، دا کو وەلاتی د رەوشەکا نەئارام و نەسەقامگیر ده بژین.

ئەنەکسێ دا زانین: د 12ێ مەھا حزیرانا بووری ده حەمید مەروان ئیدێ، ئەندامێ پارتیا یەکیتی کوردستانی - سووریا، ل باژارێ عاموودێ، راستی بەردانا گولەیان و ھەولا کوشتنێ ھات پشترا ھات رەڤاندن و ئۆتۆمبێلا وی ھات دەستەسەرکرن، تەڤی بانگێن سەربەستبەردانێ ھین ژی چارەنڤیسا وی نە دیارە، کو ئەڤ کریار و بنپێکرن ژی د دەمەکێ ده تێن، ژ بەر سیاسەتا پەیەدێ خەلکێ دەڤەرێ ژ ئەنجاما رەوشا ئابووری یا تێکچوویی، دنالن.

ئەنەکەسێ، هەروەا کریارێن پەیەدێ ب توندی شەرمەزار کرن، و بانگا دیارکرنا چارەنڤیسا حەمید عیدێ و ھەموو گرتیان کر.

د داویا داخویانیا خوە ده ئەنەکەسێ بانگ ل ئالیێ ئەمەریکی کر کو ب ئەرک و بەرپرسیارەتیا خوە رابە، فشارەکێ ل رێڤەبەریا پەیەدێ و قەسەدێ بکە دا کو دەست ژ ڤان کریاران بەردن و ئێدی ھەر کەسەکێ کو نە ھەڤنێرین بە ب پەیەدێ نەیێن گرتن و رەڤاندن.

235