كريارێن هۆڤانە یێن چەكداران د دەرمافێ كوردان دە بەردەوامن
آرك نيوز... ب مهبهستا ئاستهنگكرنا ژیانا وەلاتیێن كورد و نەچاركرنا وان لسەر كۆچبەر و دەربەدەیێ و گوهەرتنا دیمغرافیا هەرێمێ ، گروپێن چەكدار یێن بسەر ئۆپۆزسیۆنا سوریێ لعفرینا رۆژ ئاڤایێ كوردستانی د كریار و بنپێكرنین خوە یێن هۆڤانە دە دەرمافێ وەلاتیێن كورد بەردەوامن بتایبەتی د رەڤاندن و بنچاڤكرنان كوردان دە هەری داوی چەكداران ژمارەك وەلاتیێن كورد یێن دن رەڤاندن و بۆ جهەكی نەدیار ڤە هاتنە برن ولهمبەر سەربەستبەردانا وان داخوازا فدیێ دكە ..
رێخستنا مافین مرۆڤان لعفرینێ راگهاند كو چهكدارێن گروپا العمشات رۆژا شەمیێ چارێ حزێرانێ ژ باژارۆكێ شیێ بتۆمەتا كو پەیوەندیا وی بەری ب رێڤەبەریا پەیەدێ رە هەبوو وهلاتیێ كورد یێ بناڤێ خهلیل شێخۆ رهڤاند و ل ههمبهر سەربەستبەردانا وی داخوازا 15 ههزار دۆلار دكە و سەربار كر كو هەمان كروپێن چەكدار لعفرینێ رۆژانە هەری كێم سێ وەلاتیین كورد درڤینە و داخوازا فدیێ لهمبەر سەربەستبەردانا وان دكە كو دناڤ واندە عبدۆ جیلۆ ، و كوری فوزی حنتۆ ..
وێ رێخستنێ دیار كر ژی, چهكدارێن گروپا الحمزات رۆژا سیه و یەكێ گولانێ 3 جوان (هوسێن هاج ههنان,.عومهر تاتووز و فهرید ئەبدولقادر) ژ گوندێ كهفهردهلا ژێرین رهڤاندن و ل ههمبهر بهردانا وان ژی داخوازا فدیهیێ دكن ، ناڤێ وان ژی ئەڤن : حسێن حاج حنان ، عمر تاتووز و فرید عبد القادر و ژدەما هاتنە رەڤاندن و تا رۆژا ئیرۆ چارەنیڤیسا وان نەدیارە .
و دا زانین كو ئەو هەرسی وەلاتی بەریا نها هاتبوون رەڤاندن و لهبەر دانا فدیێ هاتبوون ئازادكرن .
رێخستنا ناڤهاتی دیار كر ژی كو لباژارۆكێ شیێ رۆژا ئینا بووری سیێ حزێرانێ وەلاتیی كورد یێ بناڤی جمیل حسین كو كەیەكی بتەمنە راستی لێدانەكە هۆڤانە ژ ئالیێ ژمارەیەك عەربێن هاتنە بجیكرن ل هەمان باژارۆكی هات .
هەروەها ریخستنا مافین مرۆڤان لعفرینێ رۆناهی خستە سەر بنپێكرنین كۆمێن چەكدار یێن مەها گولانێ و دیار كر كو رۆژا بیست و شەشێ گولانێ گروپەكە چەكدار یا نەناس وەلاتیێ كورد یێ بناڤی محمد حمید حمو یێ تەمەن پینجی و پێنج سالی ژ گوندی گورزیلە یێ بسەر ناڤچەیا شێراوا ڤە رەڤاند و بەرەڤ جهەكی مەدیارڤە برن
هەروەها رۆژا 17 گولانێ ژی گرووپا پۆلیسا لهشكهری گرتە سهر گوندێ كورزێلێ ده و هەر یەك ژ وەلاتیێ كورد یێ بناڤێ حسین عبوود قیچێ , رهشید محمد عبدو ومحمود رهمۆ رهڤاندن و تا رۆژا ئیرۆ چارەنیڤیسا وان نەدیارە
، ههر وها د هەمان رۆژێ دە ژی گرووپا پۆلیسا سڤیل وهلاتیێ ب ناڤێ فهرید عارف كۆسا ژ گوندێ گهمرووكێ یێ سهر ب ناڤچهیا مابهتا ڤه رهڤاند و ئەوژی چارەنیڤیسا وی نەدیارە
ل رێكەفتا پازدێ گولانێ چەكدارین پۆلیسا لەشكەری هەر یەك ژ وەلاتێ كورد احمد مستەفا بتال تەمەن پێنجی و دوو سالی ، عبدۆ بكر سیوه یپێنجی و پێنج سالی ، صبری شاشۆ شێست سالی ژ گوندی دارگرێ رەڤاندن و بەرەڤ جهەكی نەدیارڤە برن
رۆژا دووازدێ گولانێ, چهكدارێن گرووپا سولتان موراد, ژنهك و كهچا وێ ژ گوندێ دێر سوانێ یێ سهر ب باژارۆكێ شهرا ڤە رهڤاندن .
رێخستنێ دا زانین ژی كو ل رێكەفتا سیه و یەكی نیسانا دووهەزار وهیژدەهان گروپا چەكدار یا بناڤی الجبهە الشامیە ژ گوندی قەنتەرێ یێ بسەر ناڤچەیا ماباتا ڤە وەلاتیێ كورد یێ بناڤێ رۆنی محمد عبد الفتاح یێ تەمەن بیست و نەه سالی رەڤاند و ژ وی دەمێ و تا رۆژا ئیرۆ چارەنیڤیسا وی نەدیارە
هەروەها رۆژا بیست وچارێ مەها بووری، چەكدارێن وەلاتیا كورد حلیمە چۆلۆ یا پینجی و پێنج سالی ژ گوندێ گاوندا یێ بسەر ناڤچەیا راچۆڤە ژ ئالیێ پۆلیسا سڤیل هات رەڤاندن و ئەوژی چارەنیڤیسا وی نەدیارە
ژبلی رەڤاندنا وەلاتیئین كورد دەستەسەركرنا مال و ملكێن كوردان ژی ژ ئالیێ هەمان كروپین چەكدار بەردەوامن هەردی داوی چەكدارین گروپا العمشات ل گوندێ كاخرێ دەست دانین سەر مالا هەر یەك ژ وەلاتیی كورد یێ بناڤێ عادل عبدۆ ، و محمود كوره حوكمان ئەوژی ب بەهانیا ئاڤاكرنا ناڤەندەكە تەندروسیی ل شونا وان هەردوو مالان .
ژ دەما توركیێ و گروپێن چەكدار هەریما عفرینا رۆژئاڤایێ كوردستانی كۆنترۆل كریە و تا رۆژا ئیرۆ یەك رۆژی كریار و بنپێكرنێن كۆمێن چەكدار دەرحەقێ كوردان دە نەهاتنە راوەستاندن كو تا رۆژا ئیرۆ بنپێكرنێن وان بەردەوامن
464
