پەدەكەسێ راپۆرتا خوە بەلاڤ كر

آرك نيوز... پارتیا دیمقراتا كوردستان سوریا راپۆرتا خوە یا سیاسی یا مەها گولانێ بەلاڤ كر و تێدە بحسا ژمارەیەك مژار و بابەتێن گرێدایی رەوشا سوریێ بگشتی و یا رۆژئاڤایێ كوردستانی بتایبەتی ، و رەوشا عراق و هەریما كوردستانێ كریە

پەدەكەسێ د دەستپێكا راپۆرتا خوە دە رۆناهی خستە رەوشا ئابور ی یا خراب و بەردەوامیا كریزان لسەرنسەری سوریێ كو رۆژ ب رۆژ ژیانا رۆژانە بەر ب خرابوونی ڤە دچە بسەردما بلندبوونا دۆلاری ئەمەریكی ل همبەر لیرەیا سوری و گرانبوونا تەڤایا كەرەستێن ژیانی یێن سەرەكە ، ژ رووی سیاسی ڤە ژی پەدەكەسێ دا زانین كو كریزا سوریێ هەر كو دچە ئالۆزتر دبە تەڤی هەولێن گیر بێدرسۆن شاندەیێ ناڤدەولتی یێ تایبەت بۆ سوریێ یێن بەردەوام و لدارخستنا گەرێن كارێ كۆمیتەیا دستورا سوریێ یا پێشەرۆژێ ل جنێفێ لێ كریزا سوریی هەركۆ دچە ئالۆزتردبە .

راپۆرتێ سەربار كر وگۆت ب گەفێنن توركیێ یین بەردەوام وئەنجامدانا ئۆپەراسیۆنەكە لەشكەری نوو لسوریێ رەوشێ دخە مەترسیێ بتایبەتی رەوشا هەردوو ناڤچەبیێن منبج و تل رفعەتێ كو هەردوو ناڤچە دەستپیكە بەرەڤ جیبجیكرنا پرۆژەیا ئاڤاكرنا ناڤچەیا ئەلەهە لرۆژئاڤایێ كوردستانێ ب كوراهیا سیه كیلۆمترەیی یە ژ ئالیێ توركیێ ڤە و دەستپیكرن ب ئاڤاكرنا نشتەجیگەهان ژبۆ ڤەگەراندن و بجیكرنا یەك مەلیۆن پەنابەرێن سوری ل دەڤەرا ئەولەه ئەوژی ب ئارمانجا گوهەرتنا دیمغرافی ناڤچەیێن كوردی .

پەدەكەسێ گۆت ئەو دوور نابیە كو توركیێ جارەكە دن ئۆپەراسیۆنەكە لەشكەری ئەنجام بدە وەكە چاوا بەریا نها سی ئۆپەراسیۆنێن ل سەرێ كانیێ ، گری سپی و عفرینی ئەنجام دا ب وەرگرتنا گلۆپا كەسك ژ ئالیی ئەمەریكا و روسیا كو ڤی جاری ژی ب ئەرێكرنا هەردوو وەلاتان دەست ب ئۆپەراسیۆنا خوە یا نوو بكە .
سەربارەتی رەوشا ناڤچەیێن كوردی لرۆژئاڤایێ كوردستانی پەدەكەسێ د راپۆرتێ دە رۆناهی خستە سەر خرابوونا رەوشێ بگشتی ژ بەردەوامیا كریزان ، خرابوونا رەوشا خزمەتگوزاری بگشتی ، چاندی ، دیاردەیا بێ كاریێ ، نەبوونا ئەولەهی و ئارامیێ بگشتی كو د دەما داویێ دە پرۆسەیێن دزیی زیدەبوویە سەرباری بەردەوامیا رەڤاندنا زارۆكێن بچووك و ئارمانجكرنا هن ناڤچەیێن سینۆری ژ ئالیێ توركیێ و كۆمین چەكدار كو بوویە سەدەما بەلاڤبوونا مەرترسیێ ل وان ناڤچەیان سەرباری كوشتن و برینداربوونا وەلاتیان ژبەر وان ئێریشان.

هەروەها پەدەكەسی بحسا رەوشا هەرسی ناڤچەیێن عفرین سەرێ كانیێ و گرێ سپی یێن رۆژئاڤایێ كوردستانێ یێن دبن كۆنترۆلا توركیی و كۆمێن چەكدار دە كر و گۆت رۆژ برۆژ ئاستا كریار و بنپێكرنێن كۆمین چەكدار ل هەرسی ناڤچەیان بتایبەتی عفرین زیدەتر دبە ورۆژانە كریار دەرمافێ كوردان دە تێنە ئەنجامدان و توركیێ هەول ددە ب فەرمی عفرین تەڤلی وەلاتێ خوە بكە لەوما پێویستە جڤاكا ناڤدەولتی تەڤگەر و دەستوەردانێ بكە ژبۆ راوەستاندنا سیاسەتا كو توركیێ نها ل وان ناڤچەیان دمشینە .

ل ئالیەكی دنژی پەدەكەسی بحسا خوەنیشاندانێن پەیەدی و قسدی ل ناڤچەیێن جودا جودا لرۆژئاڤایێ كوردستلنی و ناڤچەیێن بن كۆنترۆلا وی دە كر وگۆت بەردەوامیا لدارخستنا خوەنیشاندانین پشتەڤانیكرنێ ژ پەكەوكی رە و بلندكرنا وێنەیێن عبد الله ئۆجەلان ژ ئالیێ پەیەدی و قسدی ڤە بەهانیێن خورت و بهێز دخە دەستێ توركیی دە كو ئێریشی ناڤچەیێن كوردی یێن مایی بكە .

سەربارەتی رەوشا عراقێ ژی پەدەكەسێ د راپۆرتا خو دە رۆناهی خستە سەر بەردەوامیا كریزا سیاسیا عراقێ بگشتی ، و دەستوەردانێن دەرڤیی د عراقی دە بتایبەتی كر كو بتەنی ئەڤ دەستوەردان خزمەتا ئەجندەیێن دەڤە دكە و ناكەڤە خزمەتا عراقێ دە و دەرباری هەرلاێما كوردستانی ژی راپۆرتی دا زانین كو هەریم ژ گەلەك بووران ڤە پێشڤە دچە ج ژ رووی سیاسی بە ، ئابووری بە ، خزمتگوزاری بە و ب تەڤایا هەولان رادبە داكو ناكوكین ناڤبەرا خوە و بغدێ رە چارەسەر بكە ، و ئەڤ یەك نیشانا وی یەكی یە كو هەریما كوردستانی بەر ب پێشكەتنەك نوو ڤە دچە .

409