عەفرین... خوەپێشاندان، گرژی وئالۆزی
آرك نيوز... ل عە‌فرینا رۆژئاڤایێ كوردستانێ, وه‌كه نه‌رازیبوونه‌كێ ل سه‌ر بلندكرنا نرخێ ئەمپێرێن ئەله‌كتریكێ و برینا ئەله‌كتریكێ ب ده‌مژمێرێن زێده, خوه‌پێشاندانه‌ك ل دار كه‌ت.
د خوه‌پێشاندانێ ده, ب سه‌دان كه‌س ژ عەره‌بان به‌شدار كر, تێ ده بانگا دیتنا چاره‌سه‌ریه‌كێ كر, پشتره بوو گرژی و ناكۆكی، د ئەنجامێ ده, خوه‌پێشانده‌ران گرتن سه‌ر باره‌گه‌ها ئەنجوومه‌نا خوه‌جهی و ناڤه‌ندا ئەله‌كتریكێ ل تاخا مه‌حموودیێ, هه‌ردو ناڤه‌ند شه‌وتاندن و كه‌لووپه‌لێن وان تێك برن.
پشتی كو خوه‌پێشاندان به‌رفه‌رهتر بوون, ل پێشیا باره‌گه‌ها والیێ كو توركیێ ده‌ستنیشان كریه, شه‌ر و په‌ڤچوون ده‌ركه‌تن و پۆلیسان گوله به‌ردان د ئەنجامی ده بریندار كه‌تن.
ل ناڤچه‌یا جندرێسێ ژی خوه‌پێشاندان ده‌ركه‌تن, تێ ده شه‌ر و په‌ڤچوون ده‌ركه‌تن و بریندا ژی كه‌تن.
د هه‌مان شه‌ڤێ ده ژی خوه‌پێشاندان ل بابێ, و باژارۆكێ سۆران و مارێ ده‌ركه‌تن, ل باژارۆكێ مارێ ناڤه‌ندا ئەله‌كتریكێ هاته شه‌وتاندن و ل بابێ ژی هن گرژی و ناكۆكی ده‌ركه‌تن.
ش.ع
204
