فەرماندارییا لەشکرێ رۆژ نامەیەك ئاراستەی سەرۆك بارزانی كر

فەرماندارییا هێزێن لەشكەرێ رۆژ نامەیەك ئاراستەی سەرۆك مسعود بارزانی كر، تید دەرباسبوونا 60 سالان ل سەر تەڤلیبوونا سەرۆك بۆ هێزێن پێشمەگەریان پیرۆز كر. نامەیا لەشكەرێ رۆژ ئەڤە:

ب سەر فەرازی و شانازیی رۆژا ساڵ ڤەگەرا شێستەمین یا تەڤلی بونا سەرۆک و لێڤەگەر و پێشمەرگە مسعود بارزانی بۆ ناڤ رێزێن پێشمەرگەی ل ۲۰ێ گولانا ۱۹٦۲ێ دا لسەر گەلێ کورد و پێشمەرگێن قارەمان پیروز دکەین.

شێست سالێن پەروەردگاری وخەبات و تێکۆشانی و خزمەت و ب دەستڤەئینانا مافێ گەلێ کورد ل دژی ستەمکاری و دیکتاتۆریەتێ.
مەزناهیا خەباتا جەنابێ سەرۆک ل ناڤ چیایێن کوردستان و شۆرەشێن ئەیلول و گولان و ڕاپەڕینا رزگاریخواز و داستانا سحێلا و پردێ و ریفراندۆما هەرێما کوردستان شاهیدن.
ب ئەڤێ بۆنەیا مەزن دا ئەم سۆزێ ددەن هەر لە سەر ڕێک و ڕێبازا پێشمەرگەدا دێ مینن کو ب تێکۆشانا هەوە ناڤێ پێشمەرگە ب سەربەرزی ل قادێن ئازادی و سەرکەفتنێ دا نیشاندایە.
و دێ هەلبژێرین: یان شەهید بوون یان سەرکەفتن د چارچۆڤەیا نویکرنا سۆز و پەیمانا تێکۆشینێ.

پیرۆزباهی ل خەباتا هەوە دکەين و پیرۆزباهی ل پێشمەرگێن قارەمان دکەین بۆ ئەوا کو جەنابێ هەوە بەرەف ڕێبازا خەبات و تێکۆشانا نەخشەرێکا ئازادیێ بۆ مە رێکێشە.
پیرۆزباهی ل گەلێ کورد دکەین ب بۆنەیا سەرکردایەتیا حەکیمانەیا هەوە ل ڕزگاری و سەرکەفتنێ دا .

فەرماندەیا لەشکرێ رۆژ
۲۰ێ گولانا ۲۰۲۲ێ

557