سەرۆك مسعود بارزانی ژ پێشەرۆژا گەلێ كورد ل سووریێ دلگرانە
آرك نيوز... د چارچۆڤەیا پێشوازیكرنا بالیوزێ رووسیێ ل عێراقێ ، سەرۆك مسعود بارزانی دلگرانییا خوە ژ پێشەرۆژا گەلێ كورد ل سووریێ و رۆژئاڤایێ كوردستانێ دا خویاكرن.
سەرۆك مسعود بارزانی پێشوازی ل بالیوزێ رووسیێ ل عێراقێ إیل بروس كوترا شیف كر د هەڤدیتنێ دە كو قونسولیێ رووسی ل هەرێما كوردستانێ ژی ئامەدەبوو چەندین مژار وبابەتێن هوندرین و ل سەر ئاستا عیراق و سووریێ هاتن گوتوبێژكرن.
هەردوو ئالییان رووناهی خستن سەر ئاستەنگییان ل پێشیا پرۆسەیا سیاسی ل عێراقێ و ئامەدەكاریێن دامەزراندنا حكومەتا نوو.
ل سەر مژارا سووریێ و كرێز وشەرێ ل وێ دەرێ سەرۆك مسعود بارزانی تێبینی و دلگرانییا خوە ژ پێشەرۆژا گەلێ كورد ل سووریێ و رۆژئاڤایێ كوردستانێ ژ شاندا رووسیی دا خویاكرن.
ژ بلی ڤان بابەتان هەردوو ئالییان بەحسا پەیوەندی وهەڤپاریا ناڤبەرا رووسیا و هەرێما كوردستانێ كر.
ش.ع
443
