عه‌فرين.. 5000 هه‌زار ته‌نه‌كه‌ێن زه‌يتێ و ئامێرێن كارگه‌هه‌كێ ژ ئاليێ چه‌كداران ڤه هاته دزين
پێلا ڤه‌گه‌را مالباتێن كورد يێن عفرينا رۆژئاڤاێ كوردستانێ ژ ده‌ڤه‌رێن ده‌ربده‌ريێ ژ بۆ مال ووارێن خوه به‌رده‌وامه لێ هن مالبات ده‌ما ڤه‌دگه‌رن گوندێن خوه ماتماي دمينن كو كه‌ل وپه‌لێن وبه‌رهه‌مێن ده‌مسالێن وان ژ ئاليێ چه‌كداران ڤه هاتيه دزين بێ كو چه‌كدار ل وێ دزيێ موكور وه‌ره‌ن ودانپێدانێ پێ بكن, ول گوندێ كووسا يێ راجۆ ژي وه‌لاتييه‌ك كورد ل پێشيا هه‌ڤژينا وي ل ناڤ گوند راستي لێدانێ هات.
حه‌سه‌ن ره‌شيد كو بخوه وه‌لاتييه‌كي گوندێ كووسا يێ راجۆ يه ژ ئاركێ راگهاند كو د بيست مه‌ها 5 ده‌ما وه‌لاتيێ ب ناڤێ موقداد موسته‌فا سماعيل ژناڤه‌ندا باژێر ڤه‌دگه‌ري گوندێ كوسا كتيبه‌يا حمزه يا ابو منسور حياني ل ناڤ گوند په‌لكا رێدانێ ژ چوونا عفرينێ ژێ خوه‌ستن وته‌ڤي ئه‌و په‌لك پێره هه‌بوو وژ ئارتێشا توه‌ركيێ دروست كربوو موقداد موسته‌فا سماعيل راستي لێدانێ ل پێشيا زارۆك وهه‌ڤژينا وي هات وپشتره ژ بوو ناڤه‌ندا گوندێ په‌نێنه‌ره‌كا هاته برن ول ور ژێ راستي لێدانێ هات .
حه‌سه‌ن ره‌شيد هه‌روه‌ها ژ ئاركێ بال كشاند سه‌ر وێ يه‌كێ : گوڤاژگه‌ها حه‌يدرێ مامێ و5000 هه‌زار ته‌نه‌كه‌يێن زه‌يتا زه‌يتو‌نان ژ وێ گوڤاژگه‌هێ ژ ئاليێ چه‌كداران ڤه هاته دزين كو كه‌تيبه‌يا سلێمان شاه يا شيێ به‌رپرسه د به‌ر وێ دزيێ ده , و گوت د ده‌سپێكێ ده 5000 هه‌زار ته‌نه‌كه هاتن دزين وپشتي كو مالبات رازينه‌بوون پاره‌يێن كو چه‌كداران ل سه‌ر وان سه‌پاندنه بدن وان, ئالاڤ وئامێرێن گوهاڤژگه‌هێ ژ گوندێ خه‌ليل دزين و ئه‌و مالبات خستن بن گه‌ڤان ده ئه‌گه‌ر تو گه‌ليێ ل جه‌م تو ئاليێ ڤه‌كن وبه‌حسا دزيێ بكن.
ته‌ڤي بنپێكرنێن چه‌كدارێن ئارتێشا نشتيماني يێن سه‌ر بحكومه‌تا سوريا ده‌مكي و رۆژانه ب سه‌دان مالبات ڤه‌دگرن مالێن خوه ژ به‌ر كو وه‌ك ئه‌و دبێژن ب هه‌بوونا وان ل عفرينێ كارێ چه‌كداران سست و لاوا ز دبه ومانا وان چه‌كداران ل گوندێن عفرينێ ده‌مكي يه .
شێخۆ عه‌فريني
488
