پەدەكەسێ جەژنا نەورۆزێ ل گەلێ كورد پێرۆز كر
آرك نيوز... پارتیا دهمۆقراتا كوردستان - سووریا پەیامەكە پیرۆزباهی ب هاتنا جهژنا نهورۆزێ بهلاڤ كر, تێ ده پیرۆزباهی ژ گهلی كورد وتەڤایا گەلان ره پێشكێش كرن.
كۆمیتا ناڤهندی یا پەدەكەسێ د نامهیا خوه ده پیرۆزباهیێن گهرم ب هاتنا جهژنا نهورۆزێ و سهرسالا كوردی ژ گهلێ كورد و ههموو گهلێن ئازادیخواز و ههزكرێ براتی و پێكڤاژیانا ئارامی و ئاشتی ره پێشكێش كرن, و گۆت كو نهورۆز جهژنا ئازادی و ئاشتیێ یه, ههروها جهژنهكه دیرۆكی ژ گهلێ كورد و چهندین گهلێن دن ره یه, كو د وێ جهژنێ و ب دهستپێكرنا بوهارێ ره, ب ههڤ ره دبن یهك و ههڤدو دگرن.
پەدەكەسێ وها گۆتیه: نهورۆز جهژنا ههردهمینە, تێ ده بانگا لێبوورین, و پێكڤهژیانێ دكن, ههروها جهژنهكه پێشهرۆژێ یه, هێڤی دكن كو د رێیا نهورۆزێ ره, پشتی ستهم و زۆرداریێ، ئەم ب رۆژهكه خوهش تژی دادوهری و وهكههڤی شا ببن وبژین.
پەدەكەسێ د پهیاما خوه ده داخواز كر كو نهورۆزا ئیسال ببه ههندهرهك ژ بۆ تێگهشتن و ههڤگرتن ژ بۆ بداویانینا ئێش و دهردهسهریا گهلێ سووریێ, ئەو ژی ب دامهزراندنا وهلاتهكی یهكگرتی و دهمۆقراتیك, تێ ده ههموو پێكاهاته ب بێ جوداهیێن ل سهر بنگهها نهتهوی, ئولی و مهزههبی بژین, و ههر كهسهك ب ئەركێ خوه د خزمهتكرنا وهلاتێ خوە ده رابه.
د داویێ ده پەدەكەسێ سلاڤ ژ جانێ پاكرهوانێن نهورۆزێ, تهڤایا پاكرهوانێن گهلێ كورد, پاكرهوانێن شۆرهشا سووریێ, پێشمهرگهیێن قههرهمان, بارزانیێ نهمر, ئیدریسێ ههردهم ساخ, و ژ ههموو گرتی و رهڤاندیێن د زیندانان ره شاندن.
ش.ع
321
