چەكدارەكی "الحمزات" دەستێ خوە دانیە سەر 50 هكتارێن زەڤیێن كوردان
آرك نيوز... رێخستنا مافێ مرۆڤان ل عەفرینێ دا زانین كو فه‌رمانداره‌كی چه‌كدارێن الحمزات ده‌ستێ خوه دانیه سه‌ر ب ده‌هان هكتارێن زه‌ڤیێن كوردان ل عەفرینێ كو خوەدیێن وان ل گوندێ خوەنە. رێخستنێ دا زانین كو ته‌ڤی موفتیه‌كی گشتی هاتیه ده‌ستنیشانكرن، ب ناڤێ شێخ أسامە الرفاعی یه, لێ بنپێكرن, كریار و ره‌فتارێن نه‌مرۆڤی ل هه‌رێمێ نه‌هاتنه راوه‌ستاندن.
ل گۆری رێخستنێ ئەشكه‌ره كریه كو چه‌كدارێ ب ناڤێ تارق جووریێ كو ب ئە‌بوو عە‌مار تێ ناسكرن, د رێیا چه‌كداره‌كی خوه ره ب ناڤێ ئە‌بوو حه‌مزه ده‌ستێ خوه دانی سه‌ر ب ده‌هان هیكتارێن زه‌ڤیێن كوردان یێن خوەدیێن وان ل گوندێ مه‌یدانكێ ده مانه, و به‌رهه‌مێن وان زه‌ڤیێن ژ بۆ به‌رژه‌وه‌ندیێن خوه ب كار تینه.
هه‌مان ژێده‌رێ ته‌كه‌ز كر كو خوه‌دیێن زه‌ڤیان گلیێ خوه ل جه‌م كۆمیتا ڤه‌گه‌راندنا مافان پێشكێش كرن, لێ راستی گه‌فێن ره‌ڤاندن یان سه‌پاندنا تۆمه‌تا پەیەدێ ژ ئالیێ وان چەكداران ڤە هاتنه, رێخستن ته‌كه‌ز دكه كو به‌ریا نها ژی چه‌كدارێن ناڤبووری ده‌ستێ خوه دانینه سه‌ر چل هكتارێن وه‌لاتیێن كورد یێن كۆچبه‌ركری ل شه‌هبا و حه‌له‌بێ.
ش.ع
214
