گروپێن چه‌كدار فشارێ ل سه‌ر ده‌ربه‌ده‌رێن غوتا دكن ژ بو ده‌رخستنا وان ژ عه‌فرينێ

بنبێكرنێن گروپێن چه‌كدار ل دژی سڤیلان ل باژارێ عه‌فرینا كوردستانا سوریێ به‌رده‌وامن كو ل گوری ئاگاهیێن هاتنه‌ به‌لاڤكرن كو ئه‌و گروب فشارێ ل سه‌ر ئه‌و كه‌سێن كو ل باژارێ عه‌فرینێ هاتنه‌ بجه كرن ژ بو ده‌ركه‌ڤن ژ باژار .

ل گوری كو ره‌وانگه‌ها سوری یا مافێ مروڤان د راپورته‌كه‌ خوه‌ ده‌ به‌لاڤكریه‌ كو گروبا فه‌یلق المه‌جد هه‌ول د اكو چار مالێن ده‌ردبه‌ده‌رێن غوتا روژهلات یێن كو ل عه‌فرینێ دمینن ده‌سته‌سه‌ر بكن لێ گروبا بناڤێ سلتان مراد نه‌ هێلا ئه‌ڤ یه‌ك وه‌ره‌ جیبه‌جیكرن .

ره‌وانگه‌ها سوری به‌ریا نه‌ها ژی د راپورته‌كه‌ خوه‌ ده‌ به‌لاڤكربو كو بێهتر ژ 200 مالباتێن غوتا روژهلات یێن كو ل عه‌فرینێ بجه‌ دبون ژ به‌ر فشارا گروپێن چه‌كدار ژ باژار ده‌ركه‌تن .

ئه‌ڤ فشارا كو گروپێن چه‌كدار ل دژی ده‌ربه‌ده‌رێن غوتا تێ ژ بو ده‌رخستنا وان ژ باژار وبجهكرنا مالباتێن خوه‌ ل جهێ وان ده‌ربه‌ده‌ران كو ئه‌ڤ یه‌ك بو جهێ نه‌رازیبونا وان ده‌ربه‌ده‌ران وهێلا به‌شه‌ك ژ وان ڤه‌گه‌رن باژار وباژاروكێن خوه‌ ل غوتا روژهلات .

ره‌وانگه‌ها سوری یا مافێ مروڤان به‌لاڤكربو كو د 13 ئه‌یلونا بوری ده‌ فشاره‌ك مه‌زن ل سه‌ر ده‌ربه‌ده‌رێن غوتا روژهلات ژ ئالیێ چه‌كدارێن جبهه‌ شامیه‌ هاتبو بكارئانیین كو د ئه‌نجاما وێ فشارێ ده‌ پازده‌ مالباتێن غوتا ژ عه‌فرینێ ده‌رخستن .

بنپێكرن وفشار ل سه‌ر ده‌ربه‌ده‌ران د 29 تیرمه‌ها بوری ده‌ست پێكر ده‌ما كو ناكوكیه‌ك دناڤبه‌را ده‌ربه‌ده‌رێن غوتا روژهلات و گروپێن چه‌كدار ده‌ركه‌ت كو ناڤبوری داخواز ژ وان ده‌ربه‌ده‌ران كرن كو ژ باژار ده‌ركه‌فن له‌وما شه‌ر وپه‌ڤچونه‌ك دناڤبه‌را وان ده‌ هاته‌ رودان .

ره‌وانگه‌هێ هه‌روه‌ها به‌لاڤكریه‌ كو د 12 حزیرانا بوری ده‌ گروپێن چه‌كدار 7 مالباتێن ده‌ربه‌ده‌رێن غوتا روژهلات ژ باژارێ عه‌فرینێ ده‌ركرن وگه‌فا گرتنێ ل وان خوارن ئه‌گه‌ر هه‌ولا ڤه‌گه‌رێ بكن .

ره‌وانگه‌ها سووری د داویا راپورتا خوه‌ ده‌ به‌لاڤكریه‌ كو ده‌ردورا 400 مالباتێن ده‌ربه‌ده‌رێن غوتا روژهلات یێن كو عه‌فرین وئدلبێ بجهبونه‌ خوه‌ ئاماده‌ دكن ژ بو ڤه‌گه‌را باژار وباژاروكێن خوه‌ ژ به‌ر كریارێن به‌رده‌وام یێن گروپێن چه‌كدار ده‌ر حه‌قێ وان هه‌روه‌ها كێمبونا ئالیكاریێ .

ژ ده‌ستپێكا ده‌رباسبونا گروپێن چه‌كدار ژ بو باژارێ عه‌فرینێ وان گروپان فشار ل وه‌لاتیێن عه‌فرینێ كرن ژ بو ده‌ركه‌ڤن ژ باژار هه‌وره‌ها رێگری ل ڤه‌گه‌را وان كرن وده‌ربه‌ده‌رێن غوتا روژهلات ل شونا وان بجهكرن ونه‌ها ژی ئه‌و گروپێن چه‌كدار فشارێ ل وان ده‌ربه‌ده‌ران دكن ژ بو بجهكرنا مالباتێن خوه‌ ل جهێ وان .

401