
رێزان شێخمووس : هەلوێستا نوو یا ئەمریکا ل هەمبەر کوردان پێویست وپێشکەتیە
سەركردەیەكی شەپێلا پێشەرۆژا كورد ل سووریێ گۆت كو هەلوێستا نوو یا ئەمریكا ل هەمبەر دۆزا گەلێ كورد پێنگاڤەكە پێویست وپێشكەتیە , ئەگەر ل سەر عەردێ وەرە جیبجیكرن .
دلێدوانەكە تایبەت دە ژ بۆ ئاركێ رێزان شێخمووس سەرۆكێ دەستەیا سەركردایەتیا شەپێلا پێشەرۆژا كورد ل سووریێ راگەهاند كو ئەمریكا رۆلەكە مەزن د نەقەشەیا نوو یا سووریێ دە دبینە , وئەمریكا دكارە فشارێ ل سەر پەیەدە بكە داكو چارەسەریەكە سیاسی ژ رەوشا رۆژئاڤایێ كوردستانێ رە وەرە دیتن .
هەروەها شێخمووس گۆت كو پێویستە ئەمریكا هەول بدە چارەسەریا سیاسی ژ بۆ كریزا رۆژئاڤایێ كوردستانێ وەرە چەسپاندن , ئەوژی ب دروستكرنا فشارێ ل سەر پەیەدە , داكو پەیەدە پەیوەندیێن خوە ب قەندیل , رژێما مەلالی , ورژێما سووریێ رە ببرە ,
شێخمووس تەكەز كر كو پێویستە ئەمریكا رێ ژ بۆ ڤەگەرا لەشكەرێ رۆژ ژ بۆ رۆژئاڤایێ كوردستانێ ب رێكەفتن ڤەكە , داكو لەشكەرێ رۆژ پاراستنا باژار وباژارۆكێن رۆژئاڤایێ كوردستانێ بكە .
د داوی دە ناڤ هاتی گۆت ئەركە ل سەر تەڤایا ئالیێن رۆژئاڤایێ كوردستانێ كار ژ بۆ یەكرێزیا ناڤمالا كوردی بكن , داكو ل سەر ئاستێ ناڤدەولەتی بهێز بەرەڤانیێ د بەر دۆزا كوردی دە بكن .
730