روسیا سیستەما اس 300 ژبو رژێما ئەسد بجیكر واسرائیل نە رازیە

وەزێرێ بەرەڤانیا روسی سێرگیی شویگو دوه 3/10/2018 سەروكێ روسی فلادیمێر پوتێن ئاگەهدار كر كو ئەوان سیستەما اس 300 یا موشەكی یا لدژی باله‌فرێن چەنگێ رادەستێ رژێما ئەسد كرنە و ئەو یەك بوە جهێ مەترسی ونەرازیبونا هەر یەك ژ وەلاتێ ئەمەریكا وئسرائیل وتەڤی وێ یەكێ ئسرائیل دبێژە ئەوێ بەردەوامبە د ئارمانج كرنا بنگەهێن ئیرانێ ل سوریێ .

سێرگیی شویگو دبێژە سیتەما اس 300 وێ لەشكەرێ روسی ل سوریێ ببارێزە ب تایبەتی پشتی كوب ب سەدەما ئارمنج كرنا بالەفرێن ئسرائیلی ژبنگەهێن رژێما ئەسد ره‌ ل سوریێ رژێما ناڤ بورێ ب شاشتی بالەفرەكە روسێ ئارمانج كر د ئەنجامدە پازدە لەشكەرێن روسی ژیانا خوە ژ دەست دان ..

وەزیرێ بەرڤانیا ئسرائیلی ئەڤیگردور لیبرمان نەرازیبونا خوە ل سەر بجیكرنا سیستەما اس 300 ژ رژێما ئەسد رە دەربراند و سەرباركر كو پشتی سیستەما موشەكی یا نوو وێ مەترسی ل سەر ئوپراسیونێن وان ل سوریێ لدژی بنگەهێن ئیرانی وین رژێما ئەسد دورست ببە لێ بەلێ ئەوێ بەردەوام بن د ئارمانجكرنا خوەدە ..

ژ ئالیی خوەڤە هیزر ناورێت بەردەڤكا فەرمی یا وەزارەتا دەرڤە یا ئەمەریكا راگەهاند كو رادەست كرنا سیستەما اس 300 یا موشەكی ژبو رژێما ئەسد وێ ململانیی ل سوریێ گورتر بكە د هەڤ دەمێ كو گەلك كێشە لسوریێ لدارن ..

ژ ئالیی خوەڤە چاڤ دێرێن له‌شكه‌ري دبێژن كو لەیستوكا ئەمەریكی ئسرائیل روسی ئەشكەره‌يه‌ .. ژ ئالیەكی ڤە ئەمەریكا بانگا بلەز ژبو دروستكرنا كومیتەێن دەستوری دكە تا كو قوناغا ڤەگوهێز ل سوریێ دەست پێ بكە ول سەر ئاستێ لەشكەری تو رێگریی ل پێش روسیا ناكە كو هێزا ئەسد یا لەشكەریێ ب هێز تربكە ..

چاڤ دیرێن لەشكەریی مەترسیا خوە ژ بلندبونا ئاست شەر ل سوریێ ددن دیاركن بتایبەتی تێ پیشبینی كرن كو شەرك هەرێمی ل سەر خاكا سوریێ وەره‌ روودان تنێ رەوژوا شه‌ر وێ وەلاتێن سوریێ ین سڤیلبن .

زێد حسن .

526