ئۆگلۆ: دهم هاتيه ئۆگلۆ ژ منبجێ وهره دهرخستن
وهزیرێ دهرڤه یێ توركیێ مهولوود چاووش ئۆگلۆ راگهاند كو دهم هاتیه چهكدارێن ی پ گ یێن بسهر پ ی د ڤه ژ منبجێ وهرن دهرخستن و باژێر ژبۆ خهلكێن وی یێن خوهجهی وهره رادهستكرن.
مهولوود چاووش ئۆگلۆ وهزیرێ دهرڤه یێ توركیێ د لێداوهنكێ ده ژبۆ رۆژنامهڤانان د چارچۆڤهیا بهشداریا خوه د جڤینهكه سهركردهیێن دانوستاندنا ستراتهجی یا وهلاتێن رۆژئاڤایێ بهلقانێ كو ژ ئالیێ دیدارگهها جیهانی یا ئابۆری ل سوویسرایێ هاتیه لدارخستن دوه ئاماژه ب وێ یهكێ كر كو هن دهرهنگی د خشتهیا دهمێ یا دهوریێن ههڤبهش كو بریاره ناڤبهرا توركیه و ئهمهریكایێ لمنبجێ وهرن لدارخستنه, ههیه.
ئۆگلۆ سهرباركر كو دهرهنگی ژ ئالیێ ئهمهریكایێ ڤهیه, لێ نایێ واتهیا كو رێكهفتن ب ئاستهكه نهباش برێڤه دچه یان ژی قهت ب رێڤهناچه. و نها دهم هاتیه كو چهكدارێن ی پ گ یێن بسهر پهیهدێ ڤه ژ منبجێ وهرن دهرخستن و ئهو باژار ژبۆ خهلكێن خوه یێن خوهجهی وهره رادهستكرن ژ ئالیێ رێڤهبهری و یهكینهیێن ئهولهكاری ڤه, وگۆت گهرهك ئهو رێكهفتن ب ئهمهریكایێ ره ب پیشهیی وهره بجیكرن.
رۆژا دوشهما بۆری سهرۆكێ توركیێ رهجهب تهیب ئهردۆگان ژی گۆتبوو كو ئارمانجا وهلاتێ وی یا بێ پاقژكرنا رۆژهلاتێ چهمێ فراتێ ژ چهكدارێن ی پ گ یه.
تا نها ل نیزیكی منبجێ, توركیێ پێنجی و سێ دهوریێن خوه د چارچۆڤهیا رێكهفتنا خوه ب ئهمهریكایێ ره برێڤهبرنه, و ل گۆری راگهاندنا توركیێ كو نها ئامادهكاری ژبۆ راهێنانێن ههڤبهش ب ئهمهریكایێ ره ژبۆ پێكئانینا دهوریێن ههڤبهش ل منبجێ د قوناغا خوه یا داویێ دهیه.
552
