قهسهدێ: تو كێشهيێن مه ب بهشار الئهسهد و ئالا ريژيمێ ره نينه
سهركردهیهكی چهكدارێن سوریایا دیموقراتیك یێن ب سهر چهكدارێن پهیهدێ راگهاند كو تو كیشهیێن وان ب سهروكێ رێژیما سوریێ بهشار الئهسهد وئالا رێژیما سوریێ ره نینه .
سهروكێ گشتی یێ چهكدارێن سووریایا دیموقراتیك یێن ب سهر چهكدارێن پهیهدێ ڤه مهزلوم عهبدی د ههڤدیتنهك تلفزیونی ده راگهاند كو ئهگهر رێژیما ئهسهد رازی بو ب دهڤهرێن دبن كونترولا وان ورێڤهبهریا وێ و ئهگهر رێژیما سوریێ چهكدارێن سوریایا دیموقراتیك وهكو هێزهك نشتمانی ژ پاراستنا دهڤهرێن خوه بناڤ كر وێ دهمێ ههلوهستا وان دهربارێ رێژیما سوریێ وێ ئهرینی به .
عهبدی ههروهها ئهشكهره كر كو ئهگهر رێژیما سوریێ ئعتیراف ب وان كر وێ دهمێ ئهو ئامادهنه كو تهڤی ئارتیشا رێژیما سوریێ بن و ئهگهر رێكهفتن پێكهات وێ ئالا رێژیما سووریێ بلند كن ژ بهر كو ئهو ئالا حكومهتا ناڤهندی یه وتو كیشهیێن وان پێ ره نینه ل گوری ئاخافتنا وی .
عهبدی د دبهردهوامیا ئاخافتنێ خوه ده دیار كر كو تو كیشهیێن وان ب كهسایهتیا بهشار الئهسهد ره نینه .. وئهگهر ملهت ئهو هلبژارت تو كیشه ل جهم وان نینه .
مهزلوم عهبدی بهریا نهها ژی ژ روژنامهیا عوكاز یا سعودى ره راگهاندبو كو ئهگهر رێكهفتن ب رێژیما سوریێ ره هات كرن ئهوێ رازی ببن كو تهڤلی رێزێن چهكدارێن رێژیما سوریێ ببن .
ئلهام ئهحمهد سهركردهیا ئهنجومهنا سوریایا دیموقراتیك یا ب سهر پهیهدێ ڤه بهریا نهها راگهاندبو كو وان بههزاران قوربانی دان ژ بو یهك رێزیا خاكا سوریێ.
ههڤدهمی داخویانیێن پهیهدێ رێژیما سووریێ ههر دهم گهفا ئیریشا لهشكهری ل سهر دهڤهرێن دبن كونترولا چهكدارێن پهیهدێ دكه ئهگهر دانوستاندنێن سیاسی نه گشتن تو ئهنجامان كو ئهڤ یهك ل سهر زمانێ سهروكێ رێژیما سوریێ بهشار الئهسهد و وهزیرێ دهرڤه یێ رێژیمێ وهلید المعلم هاته دیار كرن .
تهڤی كو پهیهدێ رێڤهبهریهك خوسهر ل كوردستانا سوریێ راگهاندیه لێ تا نهها رێژیما ئهسهد ل باژارێن قامشلو وحهسهكێ ئامادهیه وههر دهم چالاكیێن خوه یێن سڤیل ویێن پارتی تی ویێن لهشكهری ل پارێزگههێ لدادخه بێ كو تو مولهتێ ژ كهسهكی بستینه د دهما كو پهیهدێ ئدعا دكه كو تو چالاكی نایێن لدارخستن بێ وهرگرتنا مولهتا وێ .
409
