بهلاڤۆكهك دهربارێ دهمسالا زهیتوونان ل جندرێسا عهفرینێ دهركهت
ئهنجومهنا خوهجهی یا ناڤچهیا جندرێسێ یا عهفرینا رۆژئاڤایێ كوردستانێ بهلاڤۆكهك گشتی دهربارێ كارێ برێڤهچوونا گوڤاژگههان وپارا ئهنجومهنان وخوهدیێن كارگههان بهلاڤكریه
د وێ بهلاڤۆكێ ده پێنج خال هاتنه دهستنیشانكرن وهك مهرج ل سهر خودیێن گوفاژگههان هاتنه سهپاندن یهكهم نابه زهیتوونێن جۆتكارێن عهفرینێ وهرهن هێراندن ئهگهر بهلگهیهك ژ ئهنجومهنا خوهجهی ده تونهبه
دوویهم دڤێ ئالیكارییهك باش ب نونهرێ ئهنجومهنا خوهجهی یا كو هاتیه دهستنیشانكرن ره وهره كرن .
سییهم 15 ژ سهدی ژ بهرههمێن جۆتكاران وێ وهره برین 5 ژ سهدی ژبۆ گوفاژگههان ئانكو كارگههێن زهیتوونان ههروهها 10 ژ سهدی ژبۆ ئهنجومنا خوهجهی نه .
چارهم ههر نهپابهندییهك كهسێ پێ رابوویه دێ وهره سزهدان ورێكارێن یاسای وئابووری دێ وهره ستاندن .
پێنجهم رێكهفتا بكارئانینا گوفاژگههان وێ ژ یهكێ ههیڤێ دهسپێبكه.
بهریا دهمكێ ژی ئهنجومهنا خوهجهی یا ناڤچهیا شیێ وبلبلێ بهلاڤۆكهك دهربارێ ڤێ یهكێ ده دهرخستبوو .
تهڤێ وێ یهكێ هین پارا چهكداران نه هاتیه خویاكرن لێ بهریا دهمهكێ د 12 مهها 8 فوزی حهسهن جیگرێ سهرۆكێ ئهنجومهنا خوهجهی یا جندرێسێ ژ ئاركێ ره راگهاندبوو كو د ئهنجاما جڤینا ئهندامێن ئهنجومهنێن خوهجهی یێن عهفرینێ و بهرپرسێن توركیێ ل عهفرینێ پارا چهكداران ژ سهدی 10 هاته دهستنیشانكرن لێ چهكداران سهدی 25 خوهستنبوو لێ ئهو یهك نه هاته پهژراندن.
ل كۆر زێدهرێن تایبهت كو ژ دوه ڤه هن گوڤاژگهه كهتنه وارێ كارێ ده وئامادهكاریێن خوه ژ بۆ هێراندنا زهیتوونێن قۆناغا یهكهم ئانگو زهیتوونێن بهرههڤكری یێن كو ژ داران ده هاتنه خوار كرنه داكو د دهمهكه نێزیك ده قۆناغا دوویهم ژ هێراندێ دهسپێبكه .
ش.ع
675
