ئهلمانيا 135 مليۆن دۆلار ژبۆ پهنابهرێن سووري ل لوبنان و ئوردونێ پێشكێش دكه
ئهلمانیا سهد و سه و پێنج مهلیۆن دۆلار وهكه ئالیكاری دده پهنابهرێن سووریێ یێن كو ل لوبنان و ئوردونێ دمینن.
وهزیرێ دهرڤه یێ ئهلمانیا هایكۆ ماس دوه د جڤینهكه كۆمهلهیا گشتی یا نهتهوێن یهكگرتی گۆت شهرمه كو كۆمسیۆنا بلند یا نهتهوێن یهكگرتی یا تایبهت ب كاروبارێن پهنابهران پێویستی پهرهیان به ژبۆ ئالیكاریا ب مهلیۆنان ژ وهلاتیێن سووریێ كو ژ شهر رهڤیانه, و بانگ ل وهلاتێن دهولهمهند كر كو پهرهیان پێشكێش بكن.
ماس سهرباركر كو ئهلمانیا وهكه دویهم مهزنترین ئالیێ دانهر دخوازه سهد و شازده مهلیۆن یۆرۆ ئانگو سهد و سه و پێنج مهلیۆن دۆلار پێشكێشی كۆمسیۆنا بلند بكه ژبۆ ئالیكاریا پهنابهرێن سووریێ یێن ل لوبنان و ئوردونێ.
لگۆری ئامارێن فهرمی یێن نهتهوێن یهكگرتی كو دهردۆرا پێنج مهلیۆن و پێنسهد ههزار وهلاتیێن سووریێ ل دهرڤهی وهلاتێ خوه دمینن.
ئهلمانیا ژی رێژهیهكه مهزن ژ پهنابهرێن سووریێ ڤهدحهوینه, و ژبۆ وێ یهكێ ل سهر ئاستا ناڤخوه یا ئهلمانیا گهلهك كێشه ناڤبهرا ئالیێن پشتهڤان ژ ڤهحهواندنا پهنابهران ره و ئالیێن دژبهری وێ بریارێ دهردكهڤن.
رۆسیا ژی ئهڤه دهمهكه ههولا خستنا فشارهكێ ژبۆ ڤهگهراندنا پهنابهرێن سووریێ یێن ل لوبنان و ئوردونێ دكه و ژبۆ وێ یهكێ ههژمارهك ههڤدیتن ب بهرپرسێن ههردوو وهلاتێن ناڤبۆری ره پێك ئانینه, لێ یهكیتیا ئۆرۆپا و نهتهوێن یهكگرتی دبێژه هین رهوش ئارام نهبوویه ژبۆ ڤهگهرا پهنابهرێن سووریێ
721
