سوریێ .. رەوشا داوی یا كۆرۆنا

سوریێ .. رەوشا داوی یا كۆرۆنا

Oct 12 2021

ارك نيوز .. ل تەڤایا ناڤچەیێن سوریێ هەم ل رۆژئاڤایێ كوردستانێ و هەم ژی ل ل ناڤچەیێن دبن دەستێ ریژیما ئەسەد و ئۆپۆزسیۆنێ دە ، رۆژانە حالەتێن توشبوون و مرنێ تێنە تۆماركرن ، لگۆری داوین ئامارێن هاتنە بەلاڤكرن هەژمارا كشتی یا پێكەتیێن كۆرۆنا لسوریێ بگشتی گهشتیە 153,097 كەسی هەروەها 4,852 كەس ژی ژیانا خوە ژ دەست دانە .

دەربارێ داوین رەوشا كۆرۆنا ل ناڤچەیێن كوردی رۆژانە و حالەتێن پێكەتنێ بكۆرۆنا تینە تۆماركرن هەری داوی پێكەتنا 322 كەسێن دن توشی كۆرۆنایێ بوونە .

دەستەیا تەندروستیێ یا بسەر رێڤەبەریا پەیەدێ د داخویانیەكێ دە راگهاند كو د بیست وچار سەعەتێن بووری دە لسەرانسەری رۆژئاڤایێ كوردستانێ 322 كۆرۆنایێ بوونە ، 12 كەس مرنە و 11 كەس ژی باشبوونە .

لگۆری هەمان دەستەیێ ب تۆماركرنا حالەتێن نوو یێن توشبوونی بكۆرۆنا هەژمارا گشتی یا پێكەتیێن كۆرۆنا لسەرانسەری رۆژئاڤایێ كوردستانێ گهشتیە 30891 ژ وێ هەژمارێ 2272 كەس باش بوونە 1050 كەس ژی مرنە .

دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان سیه و حەفت هەزار كەس دەرباس كریە.

وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 276 كەسێن دن ب كۆرۆنایێ كەتنە ، 7 كەس مرنە و 70 كەس ژی باش بوونە

لگۆری داخویانیا وەزارەتا تەندروستیا ریژیمێ كو بڤی ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 37229 ژ وێ هەژمارێ 2348 مرنە 24,573 ژی باش بوونە .

و دەربارێ ئامارێن كۆرۆنایێ و وداوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند د هەیاما بیست وچار دەمژمێرێن بووری دە 49 كەسێن نوو توشی كۆرۆنا بوونە ، 3 كەس ژی مرنە و 562 كەس ژی باش بوونە ..

لگۆری هەمان پرۆگرامێ حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 77016 كەسان ، ژ وێ ژمارەیێ 44,300 كەس باش بوونە و 1,410 كەس ژی جانێ خوە ژ دەست دانە .

566