ریفراندۆما سەرخوەبوونا كوردستانێ " شرۆڤە , ونەرین "

پشتی دەرباسبوونا سالەكێ ب سەر ریفراندۆما سەرخوەبوونا كوردستانێ , و د چارچۆڤەیا بەشداریێ د بەرناما جڤات دە كو شەڤا بووری ل سەر ئاكرانێ ئاركێ هاتە پەخشكرن , عبد الرزاق علی نڤیسكار ورۆژنامەنڤیسێ باشوورێ كوردستانێ راگەهاند كو سەدەمێن هەری سەرەكە یێن ئەنجامدانا ریفراندۆما سەرخوەبوونا كوردستانێ نەبوونا ئاسۆیەكی روون بوو ژ پێشەرۆژا كوردان رە , وژ بەر كو دەسكەفتێن هەرێما كوردستانێ د بن مەترسیێ دە بوو , ودازانین كو ئەگەر پێشمەرگەیێن كوردستانێ داستانێن شەرەفێ تۆمار نەكربا نها قەوارەیا هەرێما كوردستانێ هاتبوو ژناڤبرن, ژ بەر كو نەرین وهەلوێستا رایەدارێن بەغدا ژ دۆزا كوردی رە هەمان هەولوێستا سەدام حوسێنە .

وژ ئالیێ خوەڤە محمد ئیسماعیل بەپرسێ رێڤەبر یێ پۆلیتبیرۆیا پارتیا دیموكراتا كوردستان سوری راگەهاند كو پشتی ئەنجامدانا ریفراندۆما سەرخوەبوونا كوردستانێ قۆناغەكە نوو ژ بزاڤا رزگاری خوازا كوردی دەستپێكر , وریفراندۆما سەرخوەبوونێ پێشەرۆژا گەلێ كورد رۆناك كر , وهشت كو گەلێ كورد ل سەر ئاستی ناڤخۆیی و جیهانی وەرە ناسكرن , ووەكر كو كورد بگهێ وێ باوەریێ كو ژ مافێ وی بریارێ ل چارەنڤیسا خوە بدە .

هەروەها ئۆسمان ئۆجەلان سیاسەتمەدارێ كوردێ باكوورێ كوردستانێ راگەهاند كو د سەد سالێ بووری دە ئێران , توركیا , عێراق , وسووریا بریارا چارەنڤیسا كوردان ددان , وب ئەنجامدانا ریفراندۆما سەرخوەبوونا كوردستانێ , گەلێ كورد داوی ب بریاردانێ ب چارەنڤیسا خوە ژ ئالیێ وەلاتێن داگیركەرێن كوردستانێ ئانی , ودازانین كو ریفراندۆما سەرخوەبوونا كوردستانێ دەستپێكەكە نوو ژ بۆ خەباتا بزاڤا رزگاری خوازا كوردی ل هەرچارپارچەیێن كوردستانێ .

وژئالیێ خوەڤە محمد صالح قادری نوونەرێ حزبا دیموكراتا كوردستان ئێران گۆت كو پێویستە رۆژا ریفراندۆما سەرخوەبوونا كوردستانێ ببە رۆژەكە نەتەوی ل جەم كوردان , و ژێدەرا وەلات پارێزی وپەروەریێ , وگۆتژی كو پێویستە ریفراندۆم ببە میناكا پێكڤەژیانێ ل رۆژهلاتا ناڤین وجیهانێ .

931