ئامارێن كۆرۆنا لسەرانسەری سوریێ
ارك نيوز .. ئەڤە دەمەكە و ئامارێن توشبوونێ بڤیروسا كۆرۆنا لسەرانسەری سوریێ جارەكە دن بەر ب زێدەبوونێ ڤە دچە و رۆژانە حالەتێن توشبون و مرنێ تێنە تۆماركرن ، لگۆری داوین ئامارێن هاتنە بەلاڤكرن لسەرانسەری سوریێ د بیست وچار دەمژمێرین بووری دە زێدەتری 1000 كەسێن دن توشی كۆرۆنایێ بوونە .
دەربارێ داوین رەوشا كۆرۆنا ل ناڤچەیێن كوردی رۆژانە و حالەتێن پێكەتنێ بكۆرۆنا تینە تۆماركرن هەری داوی پێكەتنا 273 كەسێن دن توشی كۆرۆنایێ بوونە .
دەستەیا تەندروستیێ یا بسەر رێڤەبەریا پەیەدێ د داخویانیەكێ دە راگهاند كو د بیست وچار سەعەتێن بووری دە لسەرانسەری رۆژئاڤایێ كوردستانێ 273 توشی كۆرۆنایێ بوونە ، 4 كەس مرنە و 4 كەس ژی باشبوونە .
لگۆری هەمان دەستەیێ ب تۆماركرنا حالەتێن نوو یێن توشبوونی بكۆرۆنا هەژمارا گشتی یا پێكەتیێن كۆرۆنا لسەرانسەری رۆژئاڤایێ كوردستانێ گهشتیە 24520 ژ وێ هەژمارێ 2046 كەس باش بوونە 835 كەس ژی مرنە .
دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان گهشتیە نێزی سی و یەك هەزار كەسی .
وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 182 كەسێن دن ب كۆرۆنایێ كەتنە ، 8 كەس مرنە 40 كەس ژی باشبوونە .
لگۆری داخویانیا وەزارەتا تەندروستیا ریژیمێ كو بڤی ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 30519 ژ وێ هەژمارێ 2120 بتەمامی باش بوونە 32007 كەس ژی جانێ خوە ژ دەست دانە .
و دەربارێ ئامارێن كۆرۆنایێ و ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند د هەیاما بیست وچار دەمژمێرێن بووری دە 951 كەسێن نوو توشی كۆرۆنا بوونە . و 11 كەس ژی مرنە
لگۆری هەمان پرۆگرامێ حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 59573 كەسان ، ژ وێ ژمارەیێ 30920 كەس باش بوونە و 896 كەس ژی جانێ خوە ژ دەست دانە ..
456
