بالیوزخانەیا ئەمەریكا لشامێ بەردەوامیا ئێریشێن رێژیمێ لسەر دەرعا شەرمەزار كر
ارك نیوز .. پشتی ئەنجامدانا جڤینا شەڤا بوری ناڤبەرا خەلكێن دەرعایێ و نونەرێن رێژیما ئەسەد ب ناڤبێنكاریا روسیا و گهشتن ب ئاگربەستەكە دەمكی بۆ راوەستاندنا شەر ل دەرعایێ ، لێ هینژی چەكدارێن ریژیما ئەسەد د ئارمانجكرن و دۆرپێچكرنا باژارێر دە بەردەوامە ، وژبەر ئالۆزیا رەوشا دەرعایێ وبەردەوامیا ئارمانجكرنا باژارێ ژ ئالیێ ریژیمێ بالیۆزخانەیا ئەمەریكا لشامێ بتوندی ئێریشین هۆڤانە یێن ریژیمێ ئیدانە وشەرمەزار كر و داخوازا راوەستاندنا شەر وراكرنا دۆرپێچێ د زوترین دەم دە كر .
چالاكڤانێن دناڤا دەرعایێ دە راگهاندن شهڤا بۆری كۆمیتهیا دانووستاندنان ئا تاخا دهرعا بهلهد, كۆمیتهیا ناڤهندی یا دهرعا, وهزیرێ بهرهڤانیێ یێ سووریێ ئەلی ئەیووب و فهرماندارێن رووسی دهربارێ دۆرپێچ و شهرێ ل وی باژاری ل یاریگهها دهرعا جڤیان.
پشتی جڤینێ, ئالیێن جڤینێ ل سهر ئاگربهستهكه دەمكی بۆ دەما سێ رۆژان ل ههڤ كرن وبریارە ئیرۆ بكهڤه واره جبجیكرنێ.
ل گۆری خالێن ئاگربهستێ, هێزێن پۆلیسا لهشكهری یا رووسی دهرباسی دەرعایێ ببن ب لیوایا ههشتهم یا بسەر ئارتێشا رێژیما سووریێ وخالێن لهشكهری دهینن و چاڤدێریا ئاگربهستێ بكن.
ههروها كهسێن كو بخوازن ژ دهر’ایێ دهركهڤن ژی دێ رێ ژ بۆ وان وهره ڤەكرن .
ژ رۆژا 24ێ ههزیرانا بۆری ڤه, چەكدارێن ریژیما ئەسەد ومێلیسێن بسەرڤە دهست ب ئوپهراسیۆنهكه لهشكهری ل سهر باژار كریه و ب ئاوایهكی توند دۆرپێچ كریه و رۆژانە وی باژاری تۆپباران دكە سەرباری روودانا شەروپەڤچوونان كو د ئەنجامێ دە گهلهك وهلاتیێن سڤیل بوونه قوربانی و ب هەزاران كەس پەریشان بوونە هەروەها رەوشا خزمەتگوزاریێ بگشتی خراب بوویە و تێك چوویە .
ژبەر بەردەومیا دۆرپێكرن و ئارمانجكرنا خەلكێن دەرعایێ ژ ئالیێ ریژیما ئەسەد و مێلیسین بسەرڤە بالیۆزخانەیا ئەمەریكا لشامێ داخویانیەك بەلاڤ كر وتێدە بتوندی تۆپبارانكرن ودۆرپیكرنا خەلكێ ژ ئالیێ رێژیمێ ڤە ئیدانە وشەرمەزار كر .
هەروەها بالیۆزخانەیا ئەمەریكی د هەمان داخویانیا خوە دە داخوازا راوەستاندنا شەر و راكرنا دۆرپێچێ لسەر دەرعایێ د زوترین دەم دە كر هەروەها داخوازا ڤەكرنا ریێ بێ تو ریگری دروستكرنا ئاستانگیان لپێشیا كاروانێن مرۆڤی یێ بسەر نەتەوێن یكگرتی و رێخستنێن مرۆڤی وگهشتنا وان ئالیكاریان بۆ خەلكێن دەرعایێ .
بهری چهند رۆژان ب ناڤبێنكاریا رووسیایێ ئاگربهستهك د ناڤبهرا هێزێن رێژیما سووریێ و خهلكێ تاخا دهر’ایا بهلهد ده هاتبوو راگهاند, لێ هێزێن رێژیمێ رۆژا یهكشهمێ ئاگربهست بنپێ كر و جارهكه دن دهست ب تۆپبارانا تاخێن دهر’ایێ كرن.
515
