داوین پێشڤەچوونێن باژارێ دەرعایێ

ارك نیوز .. روسیا و كۆمیتەیا دەرعا یا ناڤەندی ژبۆ چارەسەركرنا رەوشا دەرعایێ د كۆتوبێژیان دە بەردەوامن .

بەردەوڤكێ كۆمیتا ناڤەندی یا باژارێ دەرعایێ عدنان مسالمە راگهاند كو كو دانوستاندن و كۆتوبێژی ژبۆ دیتنا چارەسەریەكێ ژ رەوشا دەرعایێ ناڤبەرا كۆمیتەیا دەرعا و ئالیێ روسی و نوونەرێن رێژیما ئەسەد بەردەوامن هەری داوی دۆه دووشەمێ جڤینەك ناڤبەرا وان وئەفسەرێ روسی یێ پلەبلند یێ بەرپرس دبەر دۆسەیا باشورێ سوریێ هات ئەنجامدان وتێدە داوین پێشهاتەوپێشڤەچوونێن دەرعایێ و راوەستاندنا شەر و تۆپبارانكرن هاتن گۆتوبێژكرن .

وەكە المسالمە دایە خویاكرن كو كو د داوین جڤین دە مانشێتا نەخشەریا نوو یاكو ژ ئالیێ روسیاڤە پێش چەند رۆژان هاتبوو پێشكێشكرن ژبۆ چارەسەركرنا رەوشا دەرعایێ هاتە پێشكێشكرن وگۆتوبێژكرن، كو ئەو نەخشەرێیا نوو چەند بەندان لخوە دگرە لێ وەكە المسالمە دایە خویاكرن د داوین جڤین دە وتەڤی گەنگەشەكرنێ لێ هەردوو ئالی لسەر تو بەندەكی ژ وان بەندان رێنەكفتنە و لهەڤنەكرنە .

ناڤبووری سەربار كروگۆت پشتی بەردەوامیا دوو حەفتیان ژ راوەستاندنا شەر ل دەرعایێ نەخشەریا نوو یا روسی وێ تێكەڤە وارێ جیبجیكرنێ دە .

وەكە مسالمە دایە خویاكرن ژی كو د هەیاما ڤان هەردوو حەفتیان دە وێ دانوستاندن و كۆتۆبێژی لسەر ئاڤاكرنا كۆمیتەیەك تایبەت ژبۆ جیبجیكرنا ڤێ رێكەفتنێ وەرە كرن داكو داوی ب رەوشا دەرعایێ وەرە كرن .

ژئالیی خوەڤە ژێدەرەرێن خوەجهی راگهاندن كو وژبۆ راوەستاندنا شەر و تۆپبارانكرنا باژارێ دەرعایێ ژ ئالیێ ریژیم ومێلیسێن بسەرڤە روسیا سۆزا جاڤێریكرنا رەوشێ دابو لێ تا نها روسیا ب توو هەولەكێ ژبۆ رێگریكرنا ئێریشێن رێژیم و مێلیسێن بسەرڤە نەكریە وهین رێژیم و ئەو مێلیس د ئارمانجكرنا خەلكێ دەرعایێ ب تۆپ و هاونان دە بەردەوامن هەری داوی تۆپبارانكرنا تاخا المنشیە لرۆژهەلاتێ دەرعا ، و باژارێ تفس و دەردۆرا وێ ب تۆپ و هاونان بێ كو تا نها زیان وەرنە زانین .

ئەڤە چەند حەفتینە و باژارێ دەرعایێ ژ ئالیێ چەكدارێن ریژیما ئەسەد و مێلیسێن بسەر ڤە هاتیە دۆرپێچكرن ، و رۆژانە ئەو باژار تێ ئارمانجكرن و بسەدەما دۆرپێچكرنا بەردەوام كریزەك مرۆڤی دەركەتیە و خەلكێن باژێر د رەوشەكە خراب دەنە .

387