لسوریێ پێكەتنا ب كۆرۆنایێ زێدە دبە

ارك نیوز .. پشتی دەمەكێ ژ كێمبوونا ئامارێن توشبوونێ بڤیروسا كۆرۆنا لسەرانسەری سوریێ ، نها جارەكە دن ئاماربەر بزێدەبوونێ ڤە دچە چێ ل رۆژئاڤایێ كوردستانێ بە ، و چ ژی ل هەردوو ناڤچەیێن بن كۆنترۆلا رێژیم و ئۆپۆزسیۆنا سوریی دەبە ، لگۆری داوین ئامارێن هاتنە بەلاڤكرن لسەرانسەری سوریێ د هەیاما بیست وچار سەعەتێن بووری دە 483 كەس توشی كۆرۆنایێ بوونە و 4 كەسان ژی جانێ خوە ژ دەست دانە .

دەربارێ داوین رەوشا كۆرۆنا ل ناڤچەیێن كوردی رۆژانە و حالەتێن توشبوونێ تینە تۆماركرن لگۆری ، دەستەیا تەندروستیێ یا بسەر رێڤەبەریا پەیەدێ راگهاندیە د بیست وچار سەعەتێن بووری دە 39 كەس توشی كۆرۆنایێ بوونە و 2 كەس مرنە و 4 كەس ژی باش بونە ، ب ڤێ یەكێ هەژمارا گشتی یا پێكەتیێن كۆرۆنا لسەرانسەری رۆژئاڤایێ كوردستانێ وەكە خوە مایە ئەوژی 19167 كەسن ، ژ وێ هەژمارێ 1916 كەس باش بوونە 770 كەس ژی جانێ خوە ژ دەست دانە.

دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان بیست وشەش هەزار كەس دەرباس كریە .
وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 70 كەسێن دن ب كۆرۆنایێ كەتنە ، 2 كەس مرنە 17 كەس ژی باشبوونە

لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 26479، ژ وێ هەژمارێ 22183 بتەمامی باش بوونە و 1942كەس ژی جانێ خوە ژ دەست دانە .

و دەربارێ ئامارێن كۆرۆنایێ و ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند د بیست وچار دەمژمێرێن بوری دە 374 كەسێن دن كۆرۆنا كەتنە ، ، و 42 كەس ژی باش بوونە بێ تۆماركرنا حالەتێن مرنێ .. لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 28,407 كەسان ، ژ وێ ژمارەیێ 23,548 كەس باش بوونە و 734 كەسان ژی جانێ خوە ژ دەست دانە

480