سوریا .. رەوشا داوی یا كۆرۆنا

ارك نيوز .. ل رۆژئاڤایێ كوردستانێ و هەردوو ناڤچەیێن دبن كۆنترۆلا رێژیما ئەسەد و ئۆپۆزسیۆنا سوریێ ، رۆژانە و حالەتێن پێكەتنێ تێنە تۆماركرن ، لگۆری داوین ئامارێن هاتنە بەلاڤكرن كو لسەرانسەری سوریێ د هەیاما بیست وچار سەعەتێن دەرباسبووی دە 34 كەسێن نوو توشی كۆرۆنایێ بوونە

دەربارێ داوین رەوشا كۆرۆنا ل ناڤچەیێن كوردی ئەڤە چەند رۆژن و دەستەیا تەندروستیێ یا بسەر رێڤەبەریا پەیەدێ تو ئامارێن نوو بەلاڤ نەكریە لگۆری داوین ئامارێن هاتبوون بەلاڤ كرن ژ ئالیێ دەستەیا ناڤبوری 35 كەسین تووشی كۆرۆنایێ ببون و دوو كەس ژی باش ببون
هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتێن نوو یا توشبوونێ بكۆرۆنایێ هەژمارا گشتی ل رۆژئاڤایێ كوردستانی گهشتیە ١٨٧٢٩ كەسان ژ وێ هەژمارێ ١٩٠١ كەس باش بوونە و ٧٦٨ كەس ژی تا نها جانی خوە ژ دەست دانە .

دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان بیست وشەش هەزار كەس دەرباس كریە .

وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 10 كەسێن دن ب كۆرۆنایێ كەتنە ، و 9 كەس ژی باشبوونە .

لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 26,081 كەسان ، ژ وێ هەژمارێ 22,043 بتەمامی باش بوونە و 1,919 كەس ژی جانێ خوە ژ دەست دانە .

و دەربارێ ئامارێن كۆرۆنایێ و ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند د بیست وچار دەمژمێرێن بوری دە 24 كەسێن دن كۆرۆنا كەتنە ، 5 كەس ژی رەحەت بوونە .. لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 26801 كەسان ، ژ وێ ژمارەیێ 23283 كەس باش بوونە و 727 كەسان ژی جانێ خوە ژ دەست دانە ..

398