عهفرین .. عهرهبێن غووتا وگرووپێن چهكدار ئێریش برن سهر ناڤهندا ئهنجومهنێ ل مۆبهتا
دهربدهرێن عهرب یێ كو ل شوونا كوردان ده هاتنه بجهكرن وگرووپێن چهكدار ئیریش برن سهر ناڤهندا ئهنجومهنا خوهجهی یا ناڤچهیا مۆباتا یا عهفرینێ ول ئهندامێن ئهنجومهنا خوهجهی یا موباتا دان
ژێدهركه تایبهت ژ ناڤهندا باژارێ عهفرینێ ژ ئاركێ راگهاند كو ئیرۆ پشتی نیڤرۆ هژمارهك مهزن دهردۆرا 300 چهكدارای ژ گرۆپێن جهبهه الشامیه و عهربێن ل ناڤچهیێ هاتنه ب جهكرن ئیریش برن سهر ناڤهندا ئهنجومهنا خوهجهی یا مابهتا وب شێوهیهكی هۆڤانه ل ئهندامێن ئهنجومهنێ دان وژ وان سهرۆكێ ئهنجومهێ عبدالمتلب شێخ نعسان وچێگرێ وی وئهندام وكارمهندێن وێ ئهنجومهنێ ههروهها ئهندامێ ئهنجومهنێ عهلی شێخ اسماعیل زاده ب شێوهیكی هێز لێدان د ئهنجامده راستی شكاند د جانێ خوه هات
ژێدهرێ تایبهت ژ عهفرینێ بالكشاند سهر وێ یهكێ وگۆت كو ئارتێشا توركیێ وپۆلیسێن سڤیلان دهستێوهردان د بوویهرێ د كرن وئهندامێن كو ژ ئالیێ گرووپێن چهكدار هاتبوو دهستهسهركرن هاتن بهردان
دهربارێ سهدهما ئیریشا وان گرووپان ژێدهرێن خوهجهی راگهاندن كو ژبهر كو ناكۆكی ل دبستانهكێ ناڤچهیێ ل سهر فێركرنا مادهیا ئۆلی دهركهتیه لێ ژێدهرا تایبهت تهكهز كر كو ئهو یهك بهانهیهكه بوو داكو خوه ل سهر ئهنجومهنێ بسهپێنن وخوه ل سهر خهلكێ ناڤچهیێ فرزبكن
بهریا دهمكێ جێگرێ سهرۆكێ ئهنجومهنا مۆبهتا داوود عومهر ب ههڤژینا خوه ره راستی لێدانهكه ب هێز ژ ئالیێ دوو چهكداران ڤه هاتبوون ههورهها گهلهك ئاستهنگی ژ ئهنجومهنان ره تێنه دروستكرن ول هن جهان گهشتیه ئاستا تهرۆرێ بۆنموونه ئهحمهد شێخۆ چیگرێ سهرۆكێ ئهنجومنا خوهدهی یا شیی كو ب دهستێ عهمشات هاتبوو پێكائینن وتا نها كووژهر ب سهربستی ل شیێ دگهرن وناهتنه سزهدان ودادگهكرن وههروهها و عكاش حجی ئهحمد چێگرێ سهرۆكێ ئهنجومهنا شهرا كو تا نها نهزهلالییهك دهربارێ ئارمانجكرنا وی ده ههیه وب دههان بوویهر وبنپێكرنێن دهرحهقێ وان ده دهركهتنه .
ش.ع
746
