داوین پێشڤەچوونێن دەرعا

ارك نیوز .. ئەڤە چەند حەفینە و باژارێ دەرعایێ ژ ئالیێ رێژیما ئەسەد و مێلیسێن بسەرڤە دۆرپێچكریە و خەلكێن باژار راستی ئیریشێن هۆڤانە ژ ئالیێ هێزێن ریژیما سوریی تین .

رەوانگەها سوریێ یا مافین مرۆڤان راگهاند كو ئیرۆ پشتی نیڤرۆیێ ، چەندین تۆپ ژ ئالیێ هێزێن فرقەیا چاران یا بسەر رێژیمێ ڤە لسەر تاخێن باژارێ دەرعا هاتن ئاڤێیتن بێ كو تا نها زیان وەرنە زانین .

وەكە رەوانگەهێدایە خویاركرن دەربارێ ڤەگەرا ئەولەهی و ئارامیێ ل تەڤایا باژارێ دەرعایێ هێزین روسی و كۆمیتا ناڤەندیا ناڤچەیا حۆران گهشتنە رێكەفتنەكێ دەمكی و لسەر چەند خالەكی رێكەفتنە ، وبریارە برێێا ڤێ رێكەفتنێ بگهێژن چارەسەریەكێ و داوی ب ڤێ رەوشا خراب وەرە .

لگۆری ئامارین رەوانگەها سوریێ كو ژ دەما گوركرنا رەوشێ ل دەرعا و روودانا شەروپەڤچوونان تا رۆژا ئیرۆ سیه و دوو سڤیل كو زارۆك وژن ژی دناڤ واندە هەنە هاتنە كوشتن .

دەربارێ پێشڤەچوونێین باژارێ دەرعا و دۆرپێچكرنا خەلكێن دەرعا ژ ئالیێ رێژیمێ كارڤەندان ل پەی خوەڤە ئانی ولسەر ئاستا ناڤخویی و ناڤدەولتی هاتە ئیدانە وشەرمەزار كرن .

كو هەر یەك چ وەلاتی ئەمەریكا و فەرەنسا نەرازیبوونا خوە لسەر دۆرپێچكرنا باژاری دەرعایێ نیشان دان و فكارا خوە لسەر بەدەوامیا كریز و پێشڤەچوونێن دەرعا دانە خویاكرن .

بەرپرسەكی د وەزارەتا دەرڤەیا ئەمەریكا راگهاند كو وەلاتی ئەمەریكا ب فكارە دەربارێ پێشڤەچوونین دەرعا و دۆرپێچكرنا خەلكێن باژاری ژ ئالیێ ریژیمی و داخوازا راوەستاندنا گووركرنا شەر ل دەرعایێ ژ تەڤایا ئالیان كر ، و گۆت كو ژ مێژڤە و نەرینا وەلاتێ ئەمەریكا ئەوە كو خرابون و تێكچوونا رەوشا مرۆڤی لسوریێ دەرئەنجاما بەردەوامیا ئیریشێن رێژیما ئەسەد یین هۆڤانە لسەر گەلێ سوریێ یە و ئەڤ پێشڤەچوونێن ل دەرعایی ڤێ یەكی تەكەز دكە .

هەمان بەرپرسی ئەمەریكی سەربار كر وگۆت كو بی دیتنا چارسەریەك سیاسی لگۆری بریارا ئەنجومەنا ئەولەهیا ناڤدەولتی تو چاری داوی بكریزا سوریێ نایێ و برییا چارەسەریا سیاسی بتەنێ رەوشا سوریێ چارەسەر دبە .

ژ ئالیی خوەڤە ژی نەتەوین یكگرتی و فەرەنسا و چەندین ریخستنین مرۆڤی و یاسایی مەترسیا خوە لسەر تیكچوونا رەوشا دەرعا نیشان دان بتایبەت ئەگەر رەوش وەها بەردەوامبكە و تو چارەسەری نەیێ دیتن .

شه‌ر و په‌ڤچوون ل ده‌راایێ د ده‌مه‌كێ ده‌ ده‌ستپێ كرن, كو د چه‌ند رۆژێن بهۆری ده‌ وه‌ك ئاماده‌كاری بۆ ئێرشه‌كێ, هێزێن هكوومه‌تێ ب تۆپ و هاونان چه‌ند ناڤچه‌یێن وێ پارێزگه‌هێ تۆپباران كرنه‌ .

456