لسەرانسەری سوریێ 36 حالەتێن پێكەتنی ب كۆرۆنا هاتن تۆماركرن
ارك نيوز .. ل رۆژئاڤایێ كوردستانێ و هەردوو ناڤچەیێن دبن كۆنترۆلا رێژیما ئەسەد و ئۆپۆزسیۆنا سوریێ ، رۆژانە و حالەتێن پێكەتنێ تێنە تۆماركرن ، لگۆری داوین ئامارێن هاتنە بەلاڤكرن كو لسەرانسەری سوریێ د هەیاما بیست وچار سەعەتێن دەرباسبووی دە 36 كەسێن نوو توشی كۆرۆنایێ بوونە و سی كەس ژی جانی خوە ژ دەست دانە .
دەربارێ داوین رەوشا كۆرۆنا ل ناڤچەیێن كوردی ، دەستەیا تەندروستیێ یا بسەر رێڤەبەریا پەیەدێ ڤە راگهاند كو د بیست وچار سەعەتێن بووری دە 12 كەسین دن بكۆرۆنا كەتنە ، دوو كەس مرنە ، ویەك سێ كەس ژی باشبوویە .
هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتێن نوو یا توشبوونێ بكۆرۆنایێ هەژمارا گشتی ل رۆژئاڤایێ كوردستانی گهشتیە ١٨٦٨٩ كەسان ژ وێ هەژمارێ ١٨٩٧ كەس باش بوونە و ٧٦٨ كەس ژی تا نها جانی خوە ژ دەست دانە .
دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان گهشتیە نێزی بیست وشەش هەزار كەسی .
وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 9 كەسێن دن ب كۆرۆنایێ كەتنە ، یەك یەك كەس مریە 7 كەس ژی باشبوونە .
لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 25,963 كەسان ، ژ وێ هەژمارێ 21,987 بتەمامی باش بوونە و 1,914 كەس ژی جانێ خوە ژ دەست دانە .
و دەربارێ ئامارێن كۆرۆنایێ و ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند د بیست وچار دەمژمێرێن بوری دە 15 كەسێن دن كۆرۆنا كەتنە ، حەت كەس ژی رەحەت بوونە .
لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 26432 كەسان ، ژ وێ ژمارەیێ 23233 كەس باش بوونە و 722 كەسان ژی جانێ خوە ژ دەست دانە ..
508