داوینامەیا هەڤبەش یا دانوستاندنێن استانا دەرباری سوریێ

داوینامەیا هەڤبەش یا دانوستاندنێن استانا دەرباری سوریێ

Jul 08 2021

ارك نيوز .. گه‌را شازدەهان یا دانووستاندنێن ئاستانایێ یا دەربارێ سوریێ پشتی دوو رۆژان ژ دانوستانان كو دوه 7 تیرمه‌هێ ل باژارێ نور-سولتان پایته‌ختا كازخستانێ ب ئاماده‌بوونا شاندا رێژیم و ئوپۆزیسیۆنا سووریێ و ب چاڤدێریا نه‌ته‌وێن یه‌كگرتی و هه‌ر سێ وه‌لاتێن گەرەنتۆر (رووسیا, تركیه‌ و ئیرانێ) ده‌ست پێ كربوو, ئیرۆ ب داوی بوو و هه‌ر سێ وه‌لاتێن گەرەنتۆر داخویانیەك هەڤبەش پشتی ل هەڤكرن لسەر چەند خالەكی بەلاڤ كرن ، د داوینامەیێ دە و ها هاتیە :

- وه‌لاتێن گەرەنتۆر یێن ئاستانایێ ته‌كه‌زیێ ل پابه‌ندبوونا خوه‌ ب سه‌روه‌ریا سووریێ و یه‌كپه‌رچه‌ییا خاكا وێ ل گۆر پرەنسیپێن نه‌ته‌وێن یه‌كگرتی دكن.

- ئەوێ د تێكبرنا ته‌رۆرێ ب هه‌موو شێوەیێن وێ ده‌ و رووبرووبوونا پرۆژه‌یێن دابه‌شكرنا سووریێ ده‌ به‌رده‌وام دبن. هه‌روها وێ د هه‌ڤاهه‌نگیا خوه‌ دە ژ بۆ ژناڤبرنا داعشێ, ئە‌نیا نه‌سرایێ, ده‌سته‌یا ته‌حریر ئە‌ل-شام و هه‌موو رێخستنێن گرێدایی ئە‌ل-قاعده‌ و یێن ل سه‌ر لیسته‌یێن ته‌رۆرێ یێن ئە‌نجوومه‌نا ئەولەهیا ناڤده‌وله‌تی به‌رده‌وام بن

- ته‌كه‌ز ل پشته‌ڤانیا ئاگربه‌ستا راوەستاندنا شەر ل دەڤەرێن كێمكرنا ئاستێ شەر ل ئدلبێ كرن ئەوژی, ب رێیا جیبجیكرنا رێكه‌فتنا د وێ ده‌ربارێ ده‌ هاتیه‌ ئیمزه‌كرن.

- هەرسی وەلاتێن گەرەنتۆر توركیێ و روسیا وئیران ته‌كه‌زیێ ل سه‌ر پرۆسه‌یا سیاسی لگۆری بریارا 2254 یا ئە‌نجوومه‌نا ئەولەهیا ناڤده‌وله‌تی دكن ، نەك چارەسەریا لەشكەری .

- ته‌كه‌زی ل سه‌ر گرینگی و پشتەڤانیكرنا جڤینێن كۆمیته‌تا ده‌ستووری یا ل جه‌نێڤێ هاتە كرن

- ته‌كه‌زیێ ل سه‌ر ده‌رباسكرنا ئالیكاریێن مرۆڤی ل سه‌رانسه‌ری سووریێ بێ جوداهی و بێ مه‌رجێن پێشوه‌خت كرن و بانگ ل جڤاكا ناڤده‌وله‌تی و نه‌ته‌وێن یه‌كگرتی كرن ئالیكاریێن مرۆڤی و هاوارچونێ زێده‌ بكن.

282