ژماریەك رۆناكبیرێن كورد داخوازا دادگەهكرنا پیكئینەرێن تاوانا كوشتنا ئەمین عیسا ئەمین دكن

ارك نيوز .. ژمارەك رۆناكبیرێن رۆژئاڤایێ كوردستانێ و ئالیگر و دلخوازێن دۆزا كورد و كوردستانێ ب هەلمەتەكێ دەربارێ تاوانا كوشتن و ئەشكەنجەدانا هۆڤانە یا دەرحەقێ وەلاتیێ كورد ئەمین عیسا ئەمین د زندانێن پەیەدێ و قسدێ دە هاتیە كرن رابوون و تیدە داخوازا دادگەهكرنا تاوابنارێن ڤێ تاوانا هۆڤانە دكن و بتوندی ئەڤ تاوان ئیدانە وشەرمەزار دكن .

ژمارەیەك رەوشنبیر و رۆناكبیرێن كوردێن رۆژئاڤایێ كوردستانی و ئالیگر و دلخوازێن دۆزا كورد و كوردستانیێ داخویانیەك بەلاڤ كرن وتێدە وەها دبێژن :كی دبه‌, ژ كیدەری بە و چ كربه‌ بلا كربه‌, ئێشكه‌نجه‌یا بنپێكرنا مرۆڤاهیێ یه‌، مرۆڤ ب مرۆڤاهیێ مرۆڤە ، و سه‌د مخابن ئیرۆ وه‌ك كو ل توركی, ئیران, عراق, سووریێ و هه‌ر وه‌كی دن بێوه‌ستان, ل رۆژاڤایێ كوردستانێ ژی جارجاران مرۆڤ د بن دارێ ده‌ستهلاتداریا رێڤه‌بەریا خوه‌سه‌ر ده‌ ئێشكه‌نجه‌ دبن و تێن كوژتن .

دڤێ دەربارێ ده‌ ئە‌مین عیسا ئەمین كو د 22 گولانا سالا 2021ده‌ ژ ئالیێ اساییشا رێڤەبەریا خوەسەر ڤه‌ هاتبوو گرتن و ئاسایشێ ته‌رمێ وی د 28هه‌زیرانا 2021ێ ده‌ رادەستی مالباتا وی كربوون, نموونه‌یه‌كه‌ به‌ر ب چاڤە .

هێڤیا مه‌ ئەو بوو كو رێبه‌ریا خوه‌سه‌ر بووبوویا ده‌ستهلاتا مه‌زلوومان, مه‌زلووم و جڤاكا كوردی دووری زلم و زۆرا ناڤخوه‌یی كربایا .

ئه‌م وه‌ك رۆناكبیر, ئالیگر و دلخوازێن دۆزا كورد و كوردستانێ, ڤێ خیانه‌تا مه‌زن كو د كه‌سایه‌تیا ئە‌مین عیسا ده‌ هاتیه‌ كرن شه‌رمه‌زار دكن, و ژ رێڤەبەریا خوەسەر ب دله‌كی خه‌مگین داخواز دكن كو ب هه‌موو هێزا خوه‌ ‌ ل سه‌ر ڤێ كاره‌ساتێ راوه‌سته‌, وپێكئینەرێن كو بڤێ تاوانێ رابوونە ئەشكەرە بكە و ده‌رخینه‌ هۆلێ و وان رادەستی دادگه‌هێ بكه‌.

361